唔益人 TVB私有化 鄭俊弘焗簽賣身契出碟

Fred憑《星夢傳奇》成功跑出，近排更錄好兩首由鄧智偉作的新歌，又頻頻練歌，為出碟作好準備。

真面目

唔益人　 TVB私有化　鄭俊弘焗簽賣身契出碟

無綫自 7月播出《星夢傳奇》，一班細星有得出鏡，仲可以曬唱功，由二打六變搶手貨。好似高分王 29歲鄭俊弘 Fred，節目出街後先知原來係唱得之人，仲吸引到唔少唱片公司招手。

有說星煥話事人何哲圖睇中 Fred，仲特登搵無綫高層老婆餘詠珊幫手搭路。不過原來實情係樂易玲要重組無綫唱片部「正視音樂」，擺明肥水不流別人田，鄭俊弘變相「加監」簽埋唱片合約。完全被動的 Fred直言︰「希望有公司肯簽我，邊間都冇所謂。」

09年播出的《超級巨聲》，大多由無綫選擇簽約外面的唱片公司，例如許廷鏗、胡鴻鈞簽約星煥國際、林欣彤、馮允謙就簽約英皇。直至近排《星夢傳奇》爆出鄭俊弘，據知製作資源部總監樂易玲一改舊例，把 Fred歸立丟空多年的無綫唱片部「正視音樂」， Fred成為首位「親生仔」歌星。

錄好 2新歌

簽邊間都冇所謂！（真實對白）

Fred上週四活動後回應說：「未有唱片公司搵過我，自己都希望有公司簽我，邊間都冇所謂。」

出碟要加約

《星夢傳奇》出街後，成功帶挈 Fred成新人王，人氣爆曬燈，如果白白簽給第二間唱片公司，對 TVB要重新省靚「正視音樂」這個 label，似乎冇乜好處。

知情人士說︰「其實有好幾間唱片公司想簽 Fred，當中以環球和星煥興趣最大，而星煥話事人 Herman（何哲圖）仲叫埋老婆（無綫綜藝科總監餘詠珊）幫手搭路，點知樂小姐突然話重組唱片部。」明眼人都知，因為 Fred份經理人合約只剩幾年，加盟無綫唱片部，變相等於加簽長約，「再加新嘅唱片合約，差唔多成 10年，但 Fred根本冇得揀、焗住簽，不過今次無綫好快手， Fred已經錄好咗兩首歌。」 Fred正值搵真銀時機，無綫又點會咁易俾人搶走金蛋？

鄧智偉操刀

身為 TVB音樂總監，創作過不少主題曲的鄧智偉，早於第二集的《星》中，大讚 Fred唱功了得，更在節目中早洩玄機話：「我希望呢幾個月你可以擁有屬於你自己嘅歌！」

星煥國際唱片公司話事人何哲圖有意向 Fred招手，還特意叫老婆餘詠珊幫忙搭路，可惜被樂易玲捷足先登，收歸旗下幫出碟。

餘詠珊

樂易玲

鬼妹陳明恩

有一間唱片公司向我招手，有傾過合作，但暫時仍未落實。（真實對白）

「簽邊間都冇所謂」

對於加盟無綫唱片部，本刊上週四（ 12日）於商場活動後，問 Fred出碟一事，他說︰「𠵱家未有唱片公司搵過我，自己好希望會有公司肯簽我，至於簽邊間都冇所謂。（有冇聽過公司會重組唱片部？）我知公司不嬲有唱片部！（咁有冇聽過公司幫你出碟？）咁又未聽過喎。」至於同是《星》參加者之一的鬼妹陳明恩說︰「有一間唱片公司搵過我傾，但暫時仍未落實。

鄧智偉為無綫禦用作曲人，其中幫林峯作過不少流行曲，例如〈愛不疚〉、〈愛在記憶中找你〉等。網上圖片

正視音樂有限公司除了會舉辦音樂會，還會出版不同的大碟，例如 09年和 11年出版的《 Love TV情歌精選 2》和《超級巨聲 The Voice》。

新星參戰

週日《星》淘汰了楊思琦和李豪，而今個週日將會加入何傲芝和葉暐挑戰。其中何傲芝和王君馨二人取得最低分數而遭淘汰，反而葉暐可以留低。

週日播出的《星》， Fred以 173.2首次屈居第二，羅鈞滿以 176.6首次摘下冠軍。

Out

王君馨下集唱林峯〈深呼吸〉，最終得到最低分而遭到淘汰。

In

藝員訓練班出身的葉暐，拍過《公主嫁到》和《神探高倫布》，新加入即唱譚詠麟首〈癡心的廢墟〉，成功留低，不需被淘汰。

一集玩完

何傲芝下集新加入《星》，以何韻詩首〈化蝶〉參賽，但結果同楊思琦一樣，一集玩完。

分餅仔

早在 09年播出的《超級巨聲》，勝出的人多數都會簽約外面的唱片公司，無綫有見及此，當然要出招，以免肥水再流別人田。

林欣彤於《超級巨聲 2》勇奪冠軍，於 11年正式加盟成為英皇旗下歌手。

馮允謙於《超級巨聲 3》拿下亞軍，去年加盟英皇娛樂。

胡鴻鈞於《超級巨聲 2》輸給林欣彤，屈居亞軍，去年簽約星煥國際。

許廷鏗於第一屆《超級巨聲》中拿下人氣巨聲獎，於 11年加盟星煥國際。

鍾意就快D Share啦！

下一篇 》