全城熱爆的娛樂八封新聞 & 時事趣聞 & 生活 + 趣聞
年尾開跨年演唱會嘅容祖兒，最近忙為演唱會排練，身形自然 fit到漏。
不過呢個世界都幾公平，有鋼條身形嘅索女多數都係 iPad胸，不過上星期祖兒出席時裝品牌活動就醒喇，識得喺 deep V連身裙內襯一個黑色皮胸圍，即刻有番啲曲線同事業線，祖兒話戴 bra係因為要增加安全感喎。祖兒仲話：「演唱會嘅衫唔會令大家失望！」唔通到時會有「真空」場面？
側面睇祖兒嘅上圍仍然近乎 iPad，但因為佢戴咗個私夥 bra，正面睇即刻有曬事業線，祖兒果然永冇着錯衫。
同場仲有周柏豪。柏豪之前作畀祖兒嘅〈天窗〉被人話係抄關楚耀舊歌〈悲哀代言人〉，呢日兩個同場都唔企埋一齊，仲要前後腳亮相，唔通又驚人提起抄歌？
