爭公義全民有 say MW,

句句金

爭公義全民有 say

周日（ 20日），啱啱同無綫續約兩年嘅陳國邦，帶埋老婆羅敏莊同女兒陳禛去遊行，自言唔擔心被秋後算賬：我諗我驚個政府仲多過驚 TVB！

講得好！但攞千古大奸臣秦檜同狼英政府比，都「高估」咗秦檜喎。

其他影片

前無綫小生、入行 16年嘅林文龍話：我離開邊間公司都好，從來無流過半滴眼淚。前日我喊咗。我喊係因為我唔知道，香港仲有無明天？

一日冇真普選，應該都唔會有！

無綫出身嘅大導演杜琪峰仗義執言：勤力嘅人係無用嘅？我好反對咁樣，點解政府咁做？政府應該瞭解觀眾需要乜嘢？

咪係，唔該啲高官唔好再講乜嘢〈獅子山下〉精神，唔係籮記都會激到翻生嚟搵你。

前無綫藝員、為港視拍咗一套劇嘅劉玉翠喊住話：師奶都要遊行呀，你見過未呀？我只係為咗屋企人，為咗下一代，為我自己嘅夢！

係呀，我哋師奶都有夢，我哋師奶都要有得轉台，有得揀！

網民金句

Brian Lee:扼殺民意，埋沒創意，還我香港電視。

Winus Wong:以後日子甚麼行政決策，只要阿爺一聲令下，即是行會機密，諗起都好黑暗！！！好心寒！

Chinese Hong Kong:冇錯，今日可以莫須有理由拒絕發牌，明日就可以隨意的改變普選的決定，香港人係唔會任由擺布。

Yan Lam:加油！！有人會認為缺少個電視台係小事，但香港人連電視台 gel選擇權都冇！請問仲係咪小事！！

Ban Tai:唔要雞汁 may，我要王維基。

潘小濤：寧得罪 CY，莫得罪師奶。

其他影片

鍾意就快D Share啦！

下一篇 》