掃呢頁CODE去手機

2013年11月28日 星期四

殼王點燈盛 Lady 徐子珊做硬視后 殼王,徐子珊,子珊,陳國強,M1,




探熱針

殼王點燈盛 Lady 徐子珊做硬視後

徐子珊去年憑《雷霆掃毒》中一秒強姦戲及殘樣吸毒爭視後,可惜大熱倒灶輸給《 On Call》楊怡;失獎又失殼王恩寵,唔想再人獎兩空,有指她已發力氹番掂殼王關注。

重獲點燈,有殼罩住的徐子珊勢將局面扭轉。縱然孭飛的《神鎗狙擊》被網民插到人氣跌,但老細下旨要寵兒做視後,於是急將她與福將黃子華合作的《 My盛 Lady》調前出街,劇集出街三日即標尾會入圍《萬千星輝頒獎典禮 2013》角逐大獎,為徐子珊打造視後奇跡。

行為良好解凍

擁有一雙銷魂眼及 sexy孖腸嘴配埋有學識,令徐子珊獲殼王陳國強另眼相看,直至前年偷嗒吳卓羲,激嬲米飯班主,才一度打入冷宮。入冷宮當放假,徐子珊去年暗撻黃宗澤,之後又搭上著名眼醫謝偉業,並大膽到將盛傳殼王贈送的貝沙灣豪宅當「瘟仔竇」,最終被「加監」之餘,更一度斷水斷糧。

玩出火,終於肯收掣。據了解,去年底跟眼醫火速玩完後,徐子珊便守行為直至「監禁」期滿;今年中,她終於重獲點燈,可以在台慶孭重飛,套上「新一代楊盼盼」光環演出「懸浮舞動派」。

黃子華揸 fit的《 My》劇,出幾集就能打入台慶頒獎禮。呢個劇除令徐子珊扭轉成大熱視後,也為近來無乜收視起色的無綫劇救聲勢。

子華做「救勢主」

原本今年一心靠《神鎗狙擊》叫胡,沒料徐子珊因化行妝、踩高踭鞋查案的造型,還有炸極唔死的膠角色遭網民狂插,即使明知陳法拉離巢和將約滿的楊怡與獎無緣,但憑《巨輪》走勢穩定、年資又足夠的鍾嘉欣,及剛獲全台藝員投票認同做視後的田蕊妮,均是其眼中釘,有指徐子珊為逆轉形勢,於是出招向「睇佢台戲」的殼王求救。

據悉,早於個多月前,公司各高層已接旨,要徐子珊成為今年視後。冷馬變大熱,為今之計是臨急將原定年底才推出,有收視福將黃子華押陣的《 My盛 Lady》調前播,借黃子華做徐子珊的「救勢主」;亦因此,《 My》劇出街只有三日,就標尾會入圍頒獎禮。

精闢的對白,加黃子華功力,令《 My盛 Lady》一出就獲好評,連帶徐子珊的演技亦睇得順眼。子華為套劇收視,甘受苦遭二百多磅的細細粒上演大石責奀柴。

搭尾班車攝入圍

「莫講話《 My》劇原本係年尾出,就算推前到十一月尾播,照過往規矩都係過咗台慶,根本唔應該列入今年頒獎禮候選名單;而且咁多年入圍名單都係喺頒獎禮舉行前一個月就公布,等班候選藝人有時間穀嚇聲勢。但因為徐子珊被欽點做視後,高層要等埋《 My》劇首播(十一月二十五日),令今年入圍名單拖到距離台慶頒獎禮只有半個月時間(二十七日)先公布。個劇有子華監控住劇本、對白同督住大家啲演技,子珊一定唔會太難睇,成村人大婆等仔,就係要幫佢提高贏面。」知情者爆。

台慶當晚,花旦中只有徐子珊孭飛表現重頭環節「懸浮舞動派」。

上週台慶,田蕊妮揮低大熱鍾嘉欣,奪全台藝員投票選出的視後,但其實呢個只係俾演活「倀雞英」的阿田一個安慰獎。

原本今年她只靠炸極都唔死的膠劇《神鎗狙擊》迎戰,根本爭獎無望,故殼王下旨調動明年才入圍的《 My盛 Lady》挽寵兒頹勢。

要穀行徐子珊,有傳無綫已鋪好路,會讓她在被喻為《萬千星輝頒獎典禮》前哨戰,十二月初舉行的《 TVB馬來西亞星光薈頒獎典禮》先贏一仗,砌低被視為大熱的鍾嘉欣。

之前視帝一直是《衝上 2》的 Sam哥(吳鎮宇)及 Cool魔(張智霖)天下;但《 My盛 Lady》要標尾會,扭轉徐子珊形勢,更震盪視帝之爭局面。

「之前 Cool魔已經度咗期出席頒獎禮,但無綫要佢出年再拍兩部劇,對方唔想,所以一直拉鋸緊,但而家有埋子華,只要佢答應簽部頭,視帝就會係子華, Cool魔改攞『我最喜愛男角色』。」知情者說。

神鎗銷魂眼

每套劇徐子珊的五官都產生變化。之前《神鎗狙擊》搶鏡的是脹蔔蔔的孖腸嘴,眼睛戚戚,但轉過頭在《 My》劇,雙眼變得圓大,反而孖腸嘴縮咗水。

Lady開大眼

去年雙失

去年她因帶眼醫謝偉業返貝沙灣香閨留宿,激嬲殼王唔撐,搞到本是大熱視後的她,也倒灶輸俾楊怡。

黃子華標尾會入圍爭視帝,同 Cool魔張智霖及 Sam哥吳鎮宇鍊過。

借殼上位

未入主無綫前,殼王陳國強已經不時對花旦特別照顧,被傳借殼上位的花旦,會忽然身光頸靚聲價十倍,財技和人際關係,同樣出神入化。

高海寧 愈封胸愈有米

身材豐滿的高海寧不但是宅男乳神,更是廣告客戶寵兒,有傳她因為被殼王睇起,可以收起胸器拍劇,並即時周身富貴。

郭羨妮 四大護法架勢

○六年與殼王扯上關係,認「有殼罩」的她由細屋搬大屋,思域換賓士,做女主角拍殼王投資的電影《臥虎》時,拍外景有四保鑣護駕,儼如女王出巡,十分架勢。

葉璿 磨出名車豪宅

令殼王成為娛樂版紅人的,要算在北京舞池貼身磨爆他的葉璿,得到殼王關照,葉璿揸靚車住豪宅,最重要是廣結人脈網絡,為將來所用。



鍾意就快D Share啦!