2013年11月28日 星期四

殺父警報 阿 Paul美國搵食 老豆搶 B郁朱茵 朱茵,M1,




探熱針

殺父警報 阿 Paul美國搵食 老豆搶 B鬱朱茵

向來火爆的黃貫中,上週五(十一月二十二日)忽然在微博上載一篇《殺父宣言》,大爆父親是「色老頭」,又時常拿著菜刀要斬要殺,更直言「若你想再打我老母、我老婆,我怕自己會變自己的殺父仇人」。

據了解,本月中阿 Paul與胞弟在琴行安排下飛到美國工作期間,其父硬闖阿 Paul、朱茵位於九龍城的寓所,要帶 B女黃鶯落街,新抱朱茵不允,雙方發生衝突,黃父出手推撞朱茵,身在外地的阿 Paul獲悉後大為震怒,為保護愛妻,憤然在微博上載殺父警告。

住樓上樓下

去年初,朱茵發現有喜,由於阿 Paul所住的大埔村屋養有三頭藏獒犬,加上多蚊,為免有差池,阿 Paul即時帶大肚朱茵搬回九龍城寓所養胎。

「阿 Paul搬走之後,三隻狗就交俾佢老豆睇住,其實阿 Paul咁鍾意狗,都係老豆影響。」知情者說。

不過,習慣同兒子生活的 Paul父不慣一個人,不久後便由大埔搬到阿 Paul朱茵寓所樓上居住。

「最初佢話要搬埋去佢屋企,阿 Paul見自己老豆都七十幾歲,唔忍心丟低佢唔理,於是租咗樓上俾阿爸住,大埔村屋就用嚟養狗,由菲傭打理,阿 Paul久不久都會返去探啲狗。」

據知朱茵與老爺關係原本不差,即使以往同住大埔村屋偶有磨擦,但朱茵對 Paul父都會盡量遷就,之後亦無反對同老爺住樓上樓下。

阿 Paul形容父親為「色老頭」,據知年屆七十多歲的黃父,至今對女人仍然口花花。

朱茵反對年邁的老爺抱 B女出街,結果導致雙方發生衝突。

阿 Paul應琴行邀請到美國,期間參觀 Fender結他廠。

一反常態

本月中,阿 Paul應一間琴行的邀請,聯同胞弟黃貫其到美國做 job,順道參觀 Fender結他廠,並獲老闆為他度身打造一支結他,阿 Paul人不在港,萬料不到老豆就同老婆起衝突。

「之前佢老豆都好識做,每次都會等阿 Paul喺屋企,先落嚟探孫女『叉燒包』,但今次明知阿 Paul去咗美國,都照要入屋,仲要帶『叉燒包』落街,阿茵唔贊成,兩個人就嘈起上嚟,阿 Paul老豆躁起上嚟,鬱手推阿茵,又大鬧佢霸住個孫女。」

遠在美國的阿 Paul得知自己老豆對朱茵動手後火遮眼,即時寫微博大數父親惡行,並揚言「要是你敢再令我家人難受的話,我會手刃你,我體內有一半是你基因,我叫它們為垃圾基因」。

十月廿三日是黃鶯一歲生辰,朱茵特地為女兒開生日 party。

有份主演的新片《末日派對》早前在台灣做首映,阿 Paul未有出席。

阿 Paul的大埔村屋現時交親戚看管,週二(十一月二十六日)對方駕了阿 Paul的舊車外出整呔。

護妻更火爆

49歲的黃貫中性格一向火爆,榮升做爸爸亦未見收火,尤其當事件扯上老婆朱茵時,阿 Paul會變得更躁,爆發得更猛烈。

懷疑放料

黃貫中和黃家強由好兄弟變仇家,罵戰連場,有傳導火線是 03年他跟朱茵到蘇梅島度假被傳媒追蹤,阿 Paul懷疑家強放料,二人開始決裂。

女兒被咒

去年 7月,有傳媒在 facebook詛咒阿 Paul未出世的女兒:「生咗出嚟先講啦,細路仔好小器㗎,知道個老豆咁可能唔想出嚟呢,天有眼嘅」,最終辣㷫阿 Paul,留言狂鬧記者係「毒人」,與傳媒關係破裂。

未婚懷孕

身為虔誠基督徒的朱茵,去年 4月宣布未婚懷孕,阿 Paul出席活動被問到是否犯禁有婚前性行為,他激動指著記者:「叫你老總自己嚟問我!你邊間㗎?」辣埋老婆點都唔得。

帶大三個仔

據了解,年輕時做玩具 sales的 Paul父,性格暴躁又好勝,對住人客好聲好氣,但返到屋企對住老婆,就變火爆大男人,稍有不滿,會拎住菜刀嗌斬嗌殺,不時對老婆動粗,最後 Paul母離家出走,阿 Paul十二歲時,兩公婆正式離婚, Paul父獨力養大三兄弟。

父親辛苦捱大自己,阿 Paul基本上與父親感情密切,即使他不認同父親行為,但對父母相處及感情問題,亦無從入手, Beyond走紅後,阿 Paul曾公開表示,父親是他最尊敬

的人。

一直將家暴事件隱瞞的阿 Paul,勢估不到動粗事件會禍及自己老婆朱茵,忍無可忍下,老豆都無面俾。

今年八月,阿 Paul和朱茵跟奧比斯到尼泊爾探訪眼疾兒童,女兒就交給朱茵父母照顧。

幾隻狗留守大埔村屋,早前阿 Paul返村屋探狗,又稱上山放狗時看見異物。

朱茵與阿 Paul所養的獒犬玩到癲,直至佗 B,才有所避忌。

平日火爆的阿 Paul,對住女兒就冧爆。

音樂意見分歧, Beyond三子各走各路,阿 Paul更自爆無攞家駒意外賠償金一毫子,再辛苦都靠自己雙手搵食。

有冇犯法

阿 Paul在微博公開《殺父宣言》,會否為此負上刑事責任?據專業律師指出,警方先要調查該微博戶口是否由阿 Paul所開,同時也要阿 Paul願意承認該戶口是屬於他,警方才有權請他協助調查及了解其動機,如果有證據顯示當事人會採取行動,才會構成刑事恐嚇,可判感化或入獄至少兩星期,展開調查與否,由警察檢控部門決定。



鍾意就快D Share啦!
Related Posts Plugin for WordPress, Blogger...