同你吟一吟
蔡少芬曬冷湊女
上個禮拜九龍城發生「拐 B案」，半歲大小凱晴下落不明，全港發起尋 B大行動，無論事件背後原因係乜，做父母嘅已經豎起所有神經，睇實自己嘅小朋友，包括家有兩位小千金嘅 Ada蔡少芬。
早個禮拜，《壹》仔響圓方撞見 Ada一家四口，仲有助手若蘭同兩個小朋友，加埋大班屋企人同外傭，一齊行街 shopping。雖然當日未發生「拐 B案」，但呢個曬冷陣容，同行四位小朋友夠曬安全。
行到電器鋪，部分大人同外傭留喺門口照顧小朋友， Ada就行入去睇電器，買咗部空氣清新機， Ada仲好眼利，揀緊電器都見到有鏡頭影住佢，一眼關七。佢事後同《壹》仔講話空氣太差兩個小朋友易病，老公張晉亦鼻敏感發作，傷風感冒兼失聲。
招呼完《壹》仔， Ada拖實大女「湯圓」繼續行街街，張晉亦從旁保護，有個醒目媽咪，又有個好打老豆，兩位千金夠曬安全。
|
鍾意就快D Share啦！
|
|
|
