全城熱爆的娛樂八封新聞 & 時事趣聞 & 生活 + 趣聞
今個月初， Toby梁靖琪拍新劇《點金勝手》一場泰拳戲整傷隻腳，經醫生診斷，證實韌帶輕微撕裂，要休息三個星期先可以好番。
點知話口未完，上個禮拜六（二十三日），《壹》仔已經見到 Toby著住三吋高踭鞋，同 MC Jin歐陽靖，響銅鑼灣時代廣場拍一場拉扯追逐戲。 其實早一個禮拜，《壹》仔先撞見放緊病假嘅 Toby，戴住個腳箍，拐嚇拐嚇一個人去圓方睇戲，話咁快已經行得又跑得，尤其係俾 MC Jin拖住手係咁跑，前後 NG咗三四次， Toby都冇叫痛，得嗰三十歲，果然襟捱！
放病假期間， Toby戴住老友簽曬名嘅腳箍，一個人去睇戲，當時仲係拐嚇拐嚇。
見到《壹》仔， Toby好精靈打招呼。
已經可以著三吋踭， Toby同 MC Jin拖住手急跑。
