[忽然1周 959] 薛凱琪出題：究竟有咩電器成日挨住你個屁股？ 薛凱琪,MW,

IQ考考笑

薛凱琪出題：究竟有咩電器成日挨住你個屁股？

成日俾人笑佢講爛 gag笑話同 IQ題嘅 Fiona（薛凱琪），自稱每日都有好多 IQ題問人，佢話今次出嘅題好新好 update，係百分百自己諗出嚟，好難㗎喎！點知俾杜汶澤寸到應一應。

其他影片

杜汶澤：佢係豬兜嚟㗎！

同 Fiona老友鬼鬼的杜汶澤，一聽到 Fiona出題已經忍笑，聽完之後寸嘴話：「一個豬兜嘅問題，問我呢個咁正常智商嘅人，侮辱咗我。」記者提議出題問番 Fiona，佢繼續踩：「佢？一加一都答唔到啦，佢係豬兜嚟㗎！」阿澤唔使一秒就估到，又抵佢咁寸嘅！不過 Fiona始終係女仔，話人豬兜唔係咁好喎！

阿 Sa：呢條題太簡單！

由少女變熟女嘅阿 Sa聽完個問題，同樣諗都唔使諗就噏到答案，仲話：「嘩， Fiona呢個問題實在太簡單，冇可能答錯。」

G.E.M.：唔好俾貼士我！

阿 G.E.M.（鄧紫棋）好認真去諗，口噏噏咁話：「挨住個屁股……？（要唔要貼士？）唔使，我已經差唔多估到，一定關嗰啲 i乜 i物事。」後生女果然轉數快。

官恩娜：乘機賣廣告！

做咗華納一姐，官恩娜成個人都醒咗，一早話好快估到答案，但就噏咗自己代言嘅手機品牌：「係 Nokia手機，因為袋住喺 pat pat度呀嘛！」記者話佢答錯，佢仲生意失敗咁款：「冇可能㗎！」好戲！

周柏豪：真係唔識答！

近排全裸拍戲嘅周柏豪，俾 IQ題考起，諗好耐都冇頭緒，定曬格問：「挨住個屁股？電器？諗唔到，有冇貼士？（個電器唔係好大，好似塊面咁大）」此時助手提曬水打屁股，大文豪最後都係投降估唔到，水皮咗啲喎！

薛凱琪開估：

iPad

其他影片

鍾意就快D Share啦！

下一篇 》