網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2013年12月13日 星期五

[忽然1周 959] 舊愛生仔酸爆 廖碧兒割價北上搵食 廖碧兒,MW,




廣西直擊

廖碧兒一改過往寸嘴作風,廣西之行去到邊都笑面迎人。

滾熱辣

舊愛生仔酸爆 廖碧兒割價北上搵食

豪嫂陳茵媺誕下「小 Mo」,廖碧兒拒親自祝福,只透過傳媒酸爆恭賀:「今年雖然多人生 BB,有咗都生唔到,好多人唔成功生唔到,健康好緊要!」此言一出,被網民指黑心口臭。

自 2010年與陳豪分手兼離開無綫後,廖碧兒的外地出騷價由十萬人仔跌至四、五萬,跌價 50%。近日她到廣西為世界華裔小姐廣西區選代表,可惜今時唔同往日,廖碧兒要在深圳上機,冇 fans接機冇人識。愛情與事業同樣跌落穀底。

當年背住陳豪,搭上空心老倌林忠豪的廖碧兒,受拜金貪錢等負面形象拖累,近年工作收入大減。

親力親為

廖碧兒與助手晨早搭車到深圳機場上機去廣西南寧,她還孭住一袋二袋。

坐平商務

廖碧兒坐大陸機平價商務位,空間同經濟艙差唔多,但價錢比香港搭直航平 3千多元。

人逼人攞行李

翌日返港,廖碧兒與強國人同坐商務候機室,繑曬腳,印印嚇玩電話。

執郭羨妮二攤

陳豪榮升老竇,但廖碧兒「有咗都生唔到」的言論,就辣㷫不少網民。

「佢喺無綫年代同林峯係公司吸金王,好多人搵佢哋出席活動, Benice(廖之洋名)加埋陳豪更加係天價,但發生『林忠豪事件』後好少人搵佢做嘢。」一位無綫幕後人員說。

離開無綫後她加盟「創藝製作」,電影與內地劇拍過幾套,全是閒角。市場收窄,廖碧兒惟有半價接騷,日前她與李力持及劉錫賢等到廣西,為世界華裔小姐廣西區選拔賽做評判。「大會最初搵郭羨妮,但佢企硬十幾萬,最後搵咗廖碧兒,因為佢肯由十萬減到五萬。」知情人士說。

廖碧兒當日天未光就到深圳機場 check in,全程親力親為,以往的「阿姐款」冇曬!

黐老細陪笑

招待高層

選美完畢,各人在前排影相,廖碧兒識做地在後排招呼高層,全程四萬咁口。

當晚八時開騷,廖碧兒與李力持等坐上評判位,但國內司儀及劉錫賢在台上只問過她一次「心水」,首席評判李力持就 part part有嘢講。比賽嚴重超時至淩晨十二時多,廖碧兒只閉目養神未有表現不滿。完騷後,她還留在台上與幾位國內老細吹水,希望再有工作機會。



鍾意就快D Share啦!