全城熱爆的娛樂八封新聞 & 時事趣聞 & 生活 + 趣聞
私交甚篤 羅家英同女姐好 friend，佢仲送 CD俾對方，並合照留念。
周日（ 8日），著名粵劇名伶紅線女因病離世，享年 88歲。
唉，梨園痛失巨星，身為後輩、同女姐素有交情嘅羅家英，唔單止日日喺微博 update最新消息，仲連發十幾個 post，公開佢同女姐嘅趣事同合照，等大家多個途徑緬懷呢位一代名伶。難得老婆汪明荃百忙之中都喺微博悼念埋一份。呢對粵劇夫婦，都算十分有心。
羅家英夫婦開戲，身為前輩嘅女姐專誠走去探班。
女姐上台表演慶祝新光重開，家英哥大讚佢有台型。
家英哥亦上載女姐屋企相片。據知女姐鍾情紅色，連梳化都揀桃紅色。如今人去樓空，大宅頓時黯然失色。
老婆汪明荃雖然冇上載相片，但就喺微博分享跟女姐學戲嘅點滴。
