[忽然1周 966] H7N9疑雲 阿蘇一味想食 H7N9,阿蘇,MW,

同病相憐

金燕玲同阿蘇感情深厚，本想去醫院探望，但阿蘇堅決唔俾。不過，原來金燕玲之前喺上海拍《三城記》都冷病咗，真係同病相憐。

媽咪姐

H7N9疑雲　阿蘇一味想食

平時牙擦兼為食嘅蘇施黃，因為上星期天氣驟降而患上重感冒，發燒又周身骨痛，食極藥依然燒到攝氏 39.2度。醫生懷疑佢中咗 H7N9禽流感，上星期日（ 19日）立即送佢入瑪麗醫院嘅隔離病房。為怕傳染身邊人，佢嚴禁金燕玲探病。無嘢做，惟有不停將自己病牀前嘅食品放上網，話自己無胃口食：「 Feel到啲菌喺我骨罅陰陰笑。」好彩最後確診只係甲型流感（ H1N1），隔離 3日可出院。

媽咪姐打電話俾阿蘇，佢冇曬心機：「啲唔知乜菌囉，依家休息緊，不過下星期一就返工喇。唔想講嘢呀！ Bye bye！」但話口未完，佢又喺 fb post張「花蟹」相出嚟，話人引佢喎。咁好食慾，睇嚟應該好快冇事！

食得清淡

喺隔離病房無得同外界接觸，平時食慣嘆慣嘅阿蘇，迫住日日食通粉、麥皮同肉碎番薯。

住院第 2晚，化驗結果證實只係甲型流感，唔係 H7N9，阿蘇喺 facebook報平安，仲話要食西餐。

繼續為食

上周二（ 21日）出院，急不及待就話想食炸魷魚，俾 fans話佢「為食」。

上周五（ 24日），休息緊嘅阿蘇攞住隻巨型花蟹鬧人，話朋友不停 send啲食相俾佢，引到佢流口水。

鍾意就快D Share啦！

下一篇 》