甄子丹最強出馬7600萬換親子情
「宇宙最強」甄子丹鐵漢柔情，自覺經常因工作忽略子女，所以他打算馬年減產，盡量安排一年只接兩部戲，幾乎是以往的一半工作量。以外傳的一部電影片酬3,000萬人民幣（約3,800萬港元）計算，雖然每年減少逾6,000萬人民幣（約7,600萬港元）收入，但可以照顧家人及做公益發放正能量，「family man」果然不易做！
去年忙個不休的甄子丹，趁農曆新年終可休息回氣，已計劃與家人到洛杉磯度歲，探望太太汪詩詩的外婆短聚天倫：「我哋冇乜習俗嘅，不過新年對中國人嚟講好緊要，氣氛又咁好，一定唔會唔開心啦，唯一唔太完美，就係今次唔夠時間飛去波士頓探我雙親，要等暑假再飛過去。」談到新年願望，子丹不諱言希望香港經濟可以更好，災難絕跡，人人開心歡樂！
讚愛妻體貼入微
子丹一向萬事以家庭為重，與詩詩結婚10年，二人恩愛如昔，子丹大爆討老婆歡心秘訣，除了閒時為愛妻下廚，更會在新年時向嶽父嶽母斟茶跪安。至於詩詩更對老公照顧得體貼入微，過年會「自動波」準備利是，給子丹派給身邊人送祝福，難怪子丹笑言自己對準備利是一環毫無頭緒，又透露太太從無投訴被冷落，不過子丹卻會自行檢討：「好似舊年咁忙，真係錯過咗唔少仔女嘅成長點滴，所以我諗住以後每年只拍兩部（戲），其餘時間多啲陪屋企人，同埋做多啲公益，之前我同太太成立咗個慈善網站，就係想為兒童做多啲嘢。」
故今年子丹的工作安排，目前僅得自己公司籌拍的《九龍城寨》，以及年中開拍的《臥虎藏龍II鐵騎銀瓶》兩部戲，以外傳每部3,000萬人民幣片酬，以往他每年起碼可接3至4部戲計算，子丹的「家庭樂」令他每年損失達數千萬，相當昂貴！
包場請家長睇戲
外表硬朗的子丹是名副其實的「family man」，這天遊主題樂園拍賀年照，他表現得比小朋友還要興奮，不停推介「必試遊戲」：「我一年都會嚟幾次，陪囝囝囡囡嘛，做藝人影響力可以好深遠，所以我想帶多啲正能量畀觀眾，今次拍《西遊記之大鬧天宮》就係咁嘅意思，因為闔府統請！希望大家可以忘記我『葉問』形象，接受我係孫悟空，嚟緊我都想包場，請仔女嘅同學及家長齊齊睇戲。」
回顧蛇年年尾開始，港產片似乎有復甦跡象，賀歲片更見百花齊放，令子丹大感安慰，希望市道持續好轉：「多啲戲開，即係多啲幕後有工開，個球愈滾愈大。（睇好邊個可以接班？）觀眾欣賞水準已經唔係以前黑白片年代，謝霆鋒同餘文樂都係幾好，但要時間慢慢浸。」
採訪：影視組
攝影：鄭家俊
|
鍾意就快D Share啦！
|
|
|