掃呢頁CODE去手機

2014年2月20日 星期四

[壹週刊 1250] 男友豪四個月糧 送李彩華 80萬鑽勞 李彩華,M1,




37歲的 Thomas,與 30歲阿 Rain外形相襯。

探熱針

男友豪四個月糧 送李彩華 80萬鑽勞

剛滿三十歲的李彩華,感情多次遇滑鐵盧,卻未有令她卻步。「而家我搵嘅係結婚對象,唔想再嘥時間!」

手揸四層樓的小富婆 Rain,四個月前已展開另一段戀情,與日本 KeePer Pro Shop亞太區的高層 Thomas Lee撻著,雖然男友只是個高薪打工仔,但拍拖不久,已經送上價值八十萬的勞力士鑽錶冧女友,想搵好老公的阿 Rain,值得考慮!

阿 Rain跟前經理人趙雪英閒聊,站在身後的 Thomas目光一直未離開過女友。

阿 Rain所戴的勞力士 Cosmograph Daytona,錶面上鑲有彩鑽。

趙雪英做媒

趙雪英(右二)的契細佬 Lloyd(左一)是 KeePer香港區代理,與 Thomas老死,跟阿 Rain自然親上加親。

近幾年長駐內地拍劇的李彩華,將人仔換磚頭,由以前喊曬代父還債一變四層樓業主,吸金力驚人!

事業順風順水,感情卻屢遇挫折。先後與做金融的 Macus王傲山及 Derek潘啟翀拍拖,前者瞞住阿 Rain溝女,後者更欠下巨債,要向她開口借千萬,四年間兩重挫。

直至四個月前,阿 Rain趁拍劇空檔返港休息,在前經理人趙雪英介紹下,認識現任男友 Thomas Lee。

「趙小姐好錫阿 Rain,除咗教佢買樓投資,仲好緊張佢嘅將來,有次大家一齊去埋同一個 party,席間介紹咗 Thomas俾阿 Rain識,加上趙小姐個契細佬係 KeePer香港區代理,同 Thomas好老死,經常約埋出嚟玩,令佢兩個有機會開始!」阿 Rain身邊人說。

雖然拍拖時間尚短,但 Thomas已經認定阿 Rain。

月薪廿萬

「 Thomas份人好幽默,有佢響度肯定唔會悶,佢對阿 Rain好細心,又不時製造驚喜送花送飾物,舊年聖誕,佢仲送咗隻八十萬嘅勞力士俾阿 Rain,雖然話佢成廿萬人工一個月,但打工仔都咁捨得,可見佢對呢段感情好重視!」

上週四, KeePer香港第四間分店開幕,阿 Rain應邀擔任剪綵嘉賓。男友主場,阿 Rain上行「架生」,一身行頭除了價值七萬多的 Hermes袋,還戴了一隻過十萬的鑽戒,但最搶眼,始終是 Thomas送她的八十萬勞力士鑽錶。

對於跟舊主林小明的官司,已歷時一年半,至今仍未解決。阿 Rain表現無奈,「件事佢仲拖住,我都好想快啲上庭,攞番個公道!」

在國內一劇接一劇開工的阿 Rain,早前便與張衞健合拍《隋唐英雄Ⅲ》。

阿 Rain現居的渣甸山名門,已升值至 1,800萬。

阿 Rain幫 MINI洗白白,自然首選男友的公司。

阿 Rain跟前度 Derek分手後,冇拖拍超過一年,對揀男友變得十分小心。

星級汽車美容

圈中車迷樂仔、城城、 Chilam和沈嘉偉,均是 KeePer的常客。

李彩華的新男友是日本 KeePer Pro Shop汽車美容及銷售店的亞太區高層 Thomas Lee,月薪廿萬,名副其實打工皇帝。 KeePer Pro Shop於 1985年創立,於日本全國擁有 3150間專門店, 08年進駐香港,現時發展至四間分店,提供撥水洗車、燈鑽石塗膜等服務,專洗名車和賽車,價錢亦比一般貴幾倍。 KeePer Pro有不少圈中捧場客,包括郭富城和餘文樂等。



鍾意就快D Share啦!