朱玲玲、王愛倫素顏示人，最後生嘅向海嵐就點都執番齊啲眼耳口鼻，嫁咗同未嫁，兩種心態。
同你吟一吟
未嫁向海嵐整色整水
創立超過卅年嘅慧妍雅集，靈魂人物由始至終係做過三任會長嘅朱玲玲，而會中同永遠港姐感情最好嘅除咗王愛倫，近年多咗個向海嵐。
唔再做幕前，向海嵐直頭幫埋朱玲玲老公羅康瑞打工，喺集團旗下嘅上海新天地做公關。在公在私，都特別關照好姊妹嘅朱玲玲，早排仲一齊孖埋王愛倫、向海嵐去台灣行咗轉，公幹兼散心。
去到台灣，十個十個都會去市場周圍「貢」搵嘢買搵嘢食，朱玲玲亦唔例外，晨早帶隊去咗善導寺附近嘅華山市場尋寶。
三個女人， 55歲朱玲玲最大，跟住係 49歲嘅王愛倫，向海嵐 39歲，今年十月先四張，不過，兩個阿姐出街唔化妝冇遮冇掩，反而最後生嘅向海嵐就上曬色。
又係嘅，朱玲玲同王愛倫一早泊咗碼頭，望四向海嵐仲未有著落，點都執一執，整嚇色水先出嚟見人，可能一個唔小心撞到件好嘢㗎，話唔埋嘅！
|
鍾意就快D Share啦！
|
|
|
