2014年2月20日 星期四

[壹週刊 1250] 陳展鵬搵阿媽化緋聞 陳展,M1,




情人節唔瘟女陪阿媽,煎 Pang廿四孝。

同你吟一吟

陳展鵬搵阿媽化緋聞

人紅緋聞多,上緊位嘅煎 Pang陳展鵬最有感覺。繼貝安琪、嘉欣 BB、李詩韻、𡃁妹李綺雯、亞姐冠軍姚佳雯後,同樣係亞姐出身嘅樓茜妮,最近加入成為「 Pang女郎」。女多到數唔曬,上個禮拜五情人節(二月十四日)撞中國元宵,煎 Pang就算識分身都搞唔掂,怕順得嘉欣情又失茜妮意,浪漫大日子,煎 Pang寧願做廿四孝仔陪媽咪。

情人節當日,煎 Pang嘅節目係陪媽咪落九龍城食齋加 shopping。行到一間服裝店, Pang媽入去試衫,煎 Pang就響旁邊做服裝指導,最後埋單兼做咕喱,幫媽咪攞戰利品上車。

《壹》仔讚煎 Pang孝順,順口問 Pang媽有冇見過啲 Pang女友? Pang媽笑笑口話:「女朋友?乜佢有女朋友咩?」老人家淡定大方,反而煎 Pang猛催阿媽快啲上車。

唔使驚, Pang媽喺大廳!有個精靈媽咪,無論煎 Pang再多幾個女朋友, auntie把拉鏈嘴,點撬都撬唔開。

Pang媽有把拉鏈嘴,八珍深信,有其母必有其子囉!

兩母子食齋,食唔曬打包走唔浪費。

煎 Pang上載食齋相到社交網站,但就冇講陪撐枱腳嗰個係佢阿媽。

一套《巨輪》,煎 Pang多咗兩個緋聞女友,除了貝安琪(右),仲有傳到似層層嘅鍾嘉欣(左)。



鍾意就快D Share啦!
Related Posts Plugin for WordPress, Blogger...