掃呢頁CODE去手機

2014年2月20日 星期四

[壹週刊 1250] 偷約大隻仔斷正 謝婷婷匿入防煙門 謝婷婷,婷婷,M1,




黐埋牆角

同你吟一吟

偷約大隻仔斷正 謝婷婷匿入防煙門

飛甩安志傑後,謝婷婷話咁快俾人發現同名媛李桂蘭個仔 Sean戴尚安拍拖,兩個當事人未公開承認關係,李桂蘭已經忍唔住口大讚婷婷好女仔,恨飲新抱茶恨到出口。

上個禮拜四(二月十三日),婷婷搵埋助手同另一個女仔朋友中環行街,喺太子大廈俾《壹》仔撞到,戴住黑超嘅婷婷竟然同助手避入防煙門,《壹》仔跟住,助手 Elaine於是出面幫老細解圍:「你俾啲時間我哋行嚇街得嘛?(點解婷婷要匿入防煙門?)嚇親呀!」

又唔係第一次喺街俾人撞到,婷婷反應的確離奇!大約過咗五分鐘,一直「柄」響防煙門後面陰陰笑覆短訊同講電話嘅婷婷,終於肯行番出嚟,跟住走咗入 Chanel,原來有個大隻仔響裡面等緊佢,不過男方見到有鏡頭對住自己,拿拿聲同婷婷講拜拜。

其實同其他男仔出街都係普通社交啫,咁大反應,反而令人諗多咗囉!

鬼祟踎低

婷婷同助手忽然閃入防煙門,助手 Elaine踎低響門邊,婷婷就企響牆角位篤手機。

守門口

陰陰笑

助手企響防煙門外做守衞,留響入面嘅婷婷邊玩手機邊陰陰嘴笑。

同《壹》仔玩完捉迷藏後,婷婷同另一個女仔朋友行入 Chanel,原來約咗個大隻仔響鋪頭入面等,不過一行出門口,就各自坐的士走。

Sean同設計師前女友 Tina梁伊妮拍拖多年,經常孖住出席時裝活動, Sean更唔介意女友性感示人。

撻著李桂蘭(右)囝囝 Sean(左),婷婷到而家都未肯親口公開關係,只係話老豆謝賢對 Sean印象唔錯。



鍾意就快D Share啦!