網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月20日 星期四

[壹週刊 1250] 𡁻秋生玩家棟辣天明 陳芷菁演協放火 陳芷菁, M1,




有指陳芷菁因擔心黃秋生帶埋新班底角逐演協職位,會影響她在會內勢力,故耍手段將秋生及一眾申請入會的藝人驅趕,引起其他理事不滿,與她交惡。

探熱針

𡁻秋生玩家棟辣天明 陳芷菁演協放火

去年底演藝人協會因改選問題鬧出連串風波,獲辭職的曾志偉推舉接棒的黃秋生,與秘書長陳芷菁為入會一事各執一詞,最終令選舉流會,雙方因此勢成水火。據悉,愛搞小動作的陳秘書早前更與出名好脾氣的王祖藍拍枱吵大鑊,與洪天明、錢嘉樂、林家棟等人亦積落唔少牙齒印。

剛成功連任演協秘書長的陳芷菁,日前再出招𡁻黃秋生,公開指他未交會費,秋生聞言馬上反擊:「但佢之後又通知我,叫我唔使交會費。」莫非又玩嘢!

加人幫拖

上週五情人節(二月十四日),演協閉門投票,推選成龍做會長,譚校長話齋:「焗住認頭。」演協不能一日無主,但成龍長期不在港,加上經常失言,由他代演藝界發聲謀福利,難免受外界質疑。

為「幫輕」成龍,新一屆副會長亦罕有地人強馬壯,包括苗僑偉、唐季禮、任達華及肥媽瑪利亞。至於副秘書長,亦由過往兩人增至四人,有路芙、錢嘉樂、吳家樂及張崇德。據悉今次「曬冷」陣容另有原因,無非想箝制近年在會內勢力日益壯大、是非不斷的連任秘書長陳芷菁。

早前陳秘書與黃秋生就入會一事各執一詞開火,又請交表入會的藝人食閉門羮,事後陳芷菁以「受害人」身份在微博申訴:「請放過我小女子」,並指自己遇劫數。據悉上週五閉門選舉期間,有數名圈中分量級人物,即場向陳秘書下「封嘴令」,縱然連任秘書長,陳芷菁只強顏歡笑,但並非省油燈的她,見傳媒主動埋身,乘機再借題發揮:「黃秋生到依家都未交會費。」

呢頭俾陳芷菁話冇交會費的黃秋生,指對方又通知他唔使交。

有傳曾任副會長的林家棟也因頂唔順陳芷菁玩嘢才退會。早前他力撐秋生做會長,暗寸陳芷菁:「佢做幸福少奶奶啦!」

有指洪天明因不屑陳芷菁的作風,與她嘈過兩句後,二人面和心不和。

鬧到拍枱

除與黃秋生有積怨,過去陳芷菁在演協內亦火頭處處。王祖藍、洪天明、錢嘉樂和林家棟,全部與她有牙齒印,身為上屆理事之一的王祖藍,選舉當日全程無影,嬲到放棄投票。

「好多理事都覺得陳芷菁搞風搞雨,不過為咗個會著想忍得就忍。但嗰次佢請班藝人食閉門羮,祖藍睇唔過眼,開會同佢理論,兩個鬧到面紅耳赤,拍曬枱嗰隻。祖藍覺得再做落去好冇癮,亦唔想再留喺是非圈入面,所以一個月前未期滿就辭職,投票日都費事嚟!」知情者說。

除了王祖藍無眼睇,在梅艷芳揸 fit年代,為演協義務效力的李律師,同樣因不滿陳芷菁對會規自行「釋法」,最近亦劈炮。

走完一個又一個,但陳芷菁仍未肯收手,尤其是親黃秋生的。

「有幾個理事建議搵呂慧儀、郭少芸入嚟做,但陳芷菁覺得佢哋係秋生嘅人,即刻落閘;當日選完,洪天明因為唔滿意有人阻頭阻勢,嬲到面都黑埋!仲有之前做過副會長嘅林家棟,就算佢好認真為個會,但最後都係俾陳芷菁玩走。」

公事繁忙的成龍,連演協投票當日也不在場,加上他將英國威廉王子搞錯係哈利王子,失禮及失言事件頻繁,令外界質疑他能否勝任會長一職。

上週五(14/2),演協選完新一屆會長及其他職位後,見傳媒影大合照,不滿陳芷菁的洪天明全程面黑,之後二人亦冇交流,事前已辭職的王祖藍則沒現身參與投票。

去年演協搞聯歡派對,未跟陳秘書反面的王祖藍,仍開心參與。

上月黃秋生與陳芷菁在邵逸夫追思會上碰頭,二人會上互當透明。

認分歧

王祖藍用微信回覆本刊,傳與陳秘書吵大鑊的他承認與對方有好大分歧,難怪辭任理事。

志偉冇覆

至於被陳芷菁公開指責未交會費的黃秋生,事後在記者追問下踢爆:「嚇,但我第二日收到佢(指陳芷菁) WhatsApp,通知我話以後會員唔使交會費,以後我就係會員喎!會唔會有咩誤會呢!(事隔一日就改例,有冇覺得好奇怪?會唔會去問清楚?)是但啦!我呢排好忙,遲啲先啦!」

秋生聲稱由被拒諸門外,到放棄參選當中因由,均以電郵向曾志偉交代一切,但一直未獲對方回覆,但曾志偉上週卻表示已跟秋生聯絡溝通,令秋生覺得莫名其妙:「冇呀,冇收到喎!(點解又係有出入?)我呢排唔得閒,遲啲先問清楚。」



鍾意就快D Share啦!