掃呢頁CODE去手機

2014年2月26日 星期三

[FACE 353 ] 來追星星的你 封場食西餐  5助手服侍 全智賢排場勁過千頌伊 千頌伊,星星,來追星星的你,全智賢,MF,




19/2 10:35am

全智賢呢身打扮,其實同一般市民落街買餸差唔多,好在女神天生麗質,即使係睡衣都穿出星味。

封面

來追星星的你 封場食西餐  5助手服侍 全智賢排場勁過千頌伊

《來自星星的你》今個星期四( 27日)大結局,唔到最後一集都未知係大團圓定悲劇收場。韓劇鍾意邊拍邊播邊改劇本保持神秘,不過韓星真面目就冇得收埋。本刊繼上期首爾直擊「都敏俊」金秀賢生日開工直踩 20粒鐘,今期貼身追訪女主角全智賢,揭開一代「國民女神」神秘巨星生活。

本刊發現女神排場強勁,無論開工定放飯都有 5名助手跟身,食飯又要封場隔開其他食客,比劇中「千頌伊」更駕勢。一般市民想飛去韓國埋身追星影合照,都係慳番啖氣行明洞好過!

其他影片
  • 趕拍《星星》結局 全智賢大家姐出巡

《來自星星的你》本週四大結局,一班主角在結局播出前繼續趕工冇得唞,日拍夜拍,兩位主角每日最多瞓幾粒鐘又要再搏殺。人氣強勁如金秀賢,生日正日都冇假放,照踩 20粒鐘搏命。

啱啱瞓醒,全智賢心情唔多靚,見到助手手上的戲服即嘟曬嘴。

17/2 1個助手

身為中港台韓最人氣藝人之一,金秀賢出入通常只有一名靚仔男助手跟身,有時甚至一個人搞掂。

睡衣坐 Benz

上週三( 19日)早上 10點, 32歲全智賢由司機駕平治房車接載到麻浦區一棟大廈拍戲,一身疑似睡衣打扮的全智賢,明顯未瞓醒,眼矇矇頭耷耷,又不時嘟起嘴唔多高興。不過只化了淡妝的全智賢輪廓分明,皮膚白嫩,比起好多廿幾歲女星保養得更好。

相比起金秀賢要一早起身坐保母車到髮型屋 set頭化妝,貴為天後級的全智賢有私人化妝車,只需由 Benz行幾步即可跳上一部黑色保母車化妝兼換戲服,一條龍搞掂,無需舟車勞頓之餘又可保持私隱,想睇女神素顏都唔係咁易。

19/2 12:45pm坐 2百萬 Benz

買唔到嘢飲,著毛毛拖的全智賢野蠻女友上身,怒睥女助手之餘,仲口噏噏似鬧人。而女神的座駕是平治 S500頂級房車,香港新車價約要 2百萬。

終於買到飲品,助手急急腳遞畀 Benz上嘅全智賢,再行去前面架黑色化妝車同其他助手一齊迫。

5:50pm

全智賢去日山區嘅 Oeno意大利餐廳食超早晚餐,揀咗單邊近窗口位嘅女神不停狂擦,而店主亦特登落簾保護全智賢,夠曬識做。

鴛鴦拖鞋

落車行幾步入餐廳,助手都怕女神凍親,嗱嗱聲幫佢披番件羽絨,不過最大亮點,係嗰兩隻鴛鴦拖鞋,想點先?

全智賢於中午幫襯嘅日本餐廳 Kokoro Bento位於麻浦區新村,係區內有名嘅平民食店,一大碟豚肉飯都只係約六十蚊港紙,女神果然識食。

今日拍明日播

《星星》於本週四( 27日)大結局,劇中男女主角金秀賢及全智賢正加緊趕工。本刊連日於首爾直擊發現拍攝時間超緊湊,如今日拍完的戲分,翌晚便出街,這緊湊時間表亦成近年唔少韓劇的製作標準。

前年,由 Super Junior主將崔始源主演的韓劇《電視劇帝王》,曾透露拍韓劇的嚴謹程度,由於韓國三大電視台拉成均勢競爭大,每集韓劇播放期間,監製已𥄫實每分鐘收視,隨即開會檢討,如收視只輕微下跌半點,便會如臨大敵,商量一下下一集應加入甚麼元素可刺激收視,唔怪得韓劇咁受觀眾歡迎嘅。

上週三( 19日),本首爾麻浦區發現全智賢與金秀賢拍攝餐廳一齊進餐嘅戲分,翌日( 20日)晚播出的 19集,即出現呢個場口。剪接、配樂連後期,一日搞掂,真係要寫個「服」字。

前年由始源主演的韓劇《電視劇帝王》中,講述電視台要安排速遞員在外景場地飛電單車急運母帶回台剪接,同日拍同日播。而劇組要員常開會檢討,超嚴謹。

撲 2街買凍飲

拍了約一小時左右,全智賢身穿一件黑白 tweed外套戲服,聯同 5名近身由片場出發,以為又要轉場拍戲,原來係女神肚餓,所以一行多人大陣仗分兩架車到附近一間日本餐廳食午飯。女神跟 3名助手直接行入 VIP房開餐;而 2名身材高大的男近身則坐近門口把風,防止有記者或狂迷埋身。

食了 45分鐘,至中午 12時多填飽肚的全智賢罕有地行超過十步到停車場上車,其間不斷篤電話,未知是否同老公崔俊赫玩緊 LINE呢?返片場前,女神繼續千頌伊上身,勞師動眾兩度停車,為的只是買一杯凍飲。第一站冇收穫,女神竟然面燶燶怒睥女助手,然後迅速跳上車去隔籬街再買,之前落車想買外賣的全智賢,今次決定安坐車上等,免得冷病。

23/2 12:40pm 5人服侍

同金秀賢拍完一場坐的士戲,全智賢遲遲唔肯返上車,行去企喺化妝車前的助手身邊一齊睇電話吹水。現場所見,全智賢的司機連助手共 5人,排場強勁。

《星星》中,「國民女神」千頌伊也只有 2名助手跟身,現實中全智賢排場比佢勁得多。

女神操

同金秀賢拍完的士戲,全智賢開心到手舞足蹈,又狂 fing腰伸展,心情超靚。

離行離列

拍完的士戲分,金秀賢一支公行上保母車。而全智賢就埋助手堆,二人戲外甚少交流。

22/2 6:30pm

由早上 8點開工,當日金秀賢可以收早, 6點半幾經返屋企休息。

開工 3寶

金秀賢就冇全智賢咁疊馬,拍完戲要自己拎埋鏡等個人物品,連對講機都要攞埋。而代言 CJ集團果汁嘅男神,當日淨係飲水,費事飲錯其他牌子出事?

5粒鐘食 2餐

食飽飯又歎埋飲品,全智賢返回片場繼續拍,後來金秀賢亦有加入。當日是拍第 19集戲分,講大奸角李載經以都敏俊名義約千頌伊食飯,更點了千最愛的紅酒,其實是在酒內落毒,好在都敏俊瞬間移動趕得切救愛人。

短短 1分鐘戲,劇組用了近 4個鐘拍攝。到下午 4點多,全智賢又再出動醫肚。有別於港星,阿姐級的全智賢絕對唔會在片場捱飯盒,今次她命司機駕車到距離首爾市中心近 1小時車程的高陽市日山區歎意大利菜。

可能體力透支太大,女神落車後連褸都要助手幫忙穿上,而且女神竟然著上鴛鴦拖鞋,比在家中的千頌伊更不修邊幅。記者嘗試入餐廳食飯,隨即被全智賢兩名大隻近身一左一右監視,直至聽到記者講英文,二人先放下戒心。後來記者要求坐低飲咖啡,即被侍應指示坐到餐廳另一個角落,離全智賢大約有 12碼遠,全智賢恍如包場食飯。

24/2

週一( 24日)下午,全智賢同金秀賢又去了劇中寓所、木洞 Trapalace大堂拍攝。

網上圖片

網上圖片

金秀賢靠自己

週六( 22日)一早搵金秀賢返回 SBS片廠為《星星》趕工,至傍晚拍畢,即回家休息,全智賢則於週日( 23日)現身。劇組於當日早上拍攝千頌伊跟都敏俊搭的士戲,鏡頭外,兩位主角近乎零交流。拍了近 1小時,兩人一齊落的士,乖仔金秀賢自己拿隨身物品上保母車,反而兩手 fing fing的全智賢就行去其助手及司機等身邊,跟他們有傾有講。之後心情勁靚的全智賢跳住上車,返回錄影廠繼續拍攝。

之前有傳金秀賢因心律不正問題,不適宜操勞, 26歲仔日捱夜捱又少人照顧。反觀 32歲全智賢全天候有成村人服侍,又唔使捱飯盒餐餐食好嘢,唔怪得二人年齡相差 6年,外形都冇太大分別啦。

趕足 9日

記者於首爾直擊《星星》拍攝,劇組由星期一至星期日均日日開工,完全冇休息過。

16/2(日)

中菜館金秀賢同「允才」安宰賢及千頌伊父親,拍同枱食飯戲。

17/2(一)

呢日金秀賢直踩 3場,其中一幕係去樂天百貨買戒指向千頌伊求婚。

18/2(二)

同全智賢去巨濟島拍第 19集小島戲分,由早拍到淩晨。網上圖片

19/2(三)

全智賢金秀賢先去麻浦區拍餐廳戲,再返 SBS繼續拍廠景。

20/2(四)

金秀賢同「輝京」及「載經」到首爾 Mayfield酒店拍攝。網上圖片

21/2(五)

有網友目擊疑似全智賢出現在金浦機場,有傳是往濟州島拍《星星》。網上圖片

22/2(六)

金秀賢直接由屋企出發到 SBS電視台拍廠景。

23/2(日)

雙賢先在 SBS附近拍搭的士戲分,再齊返廠拍室內戲。

24/2(一)

兩人中午開始在木洞 Trapalace拍攝屋企樓下及大堂戲分。網上圖片

有天避過大難

《星星》結局後,將由 JYJ最紅成員樸有天主演的 SBS最新韓劇《 Three Days》接棒, 3月 5日開播。

故事圍繞有天飾演的總統警衞員,因總統在三聲槍響後神秘失蹤,有天誓死尋找總統下落。仲有 9日就開播,有天最近亦開行 turbo趕拍,不過有天最近因要應付大量動作場面,而拉傷韌帶,搞到要戴保護帶開工。

黑開有條路,上週六( 22日),本 SBS片廠門外等《星星》開工期間,卻目擊《 Three Days》的攝制隊車突然著火,而且還燒到冒煙。好彩當時有天不在車內,否則主角受傷就大件事。

上週六( 22日),本刊目睹有天主演的新劇《 Three Days》攝影車,在 SBS電視台外著火,還冒出濃煙,好彩有天當時唔在場。

有天於《 Three Days》中飾演總統近身警衞,有大量打鬥場面,最近因過勞,搞到肩膊受傷。



鍾意就快D Share啦!