網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月19日 星期三

[FACE 352] 幕後黑手 大班斟過 dbc種禍 俞琤惡手整走李慧玲 俞琤,MF,




商台節目《風波裡的茶杯》九年玩完,大班被俞琤解僱,取代大班的李慧玲九年後亦被俞琤解僱,風水輪流轉要上大班網台 D100做客席主持。

真面目

幕後黑手 大班斟過 dbc種禍 俞琤惡手整走李慧玲

上週三( 12日)下午五點,商台突然發出傳媒稿及職員通告,即時終止節目主持合約,再派員代收拾辦公桌,粗暴解僱名嘴李慧玲。

事出突然又毫無解釋引起全民憤怒,商台被質疑受政治壓力,幫梁振英政府除去眼中釘,李慧玲被掃出商台,新聞自由與公理同時亦被掃出商台。

本刊獲悉,今次商台行動既有梁振英的無形政治因素,亦肯定係場辦公室政治。由 11年鄭經翰密斟李慧玲跳槽為 dbc開台,已惹怒俞琤,由那時開始俞琤已密謀怒炒李慧玲。梁振英政府未正式出手,俞琤率先配合「剷李」,演變至鷸蚌相爭局面, 689最開心!

其他影片

上週二( 11日)陳志雲在商台團拜宣布職務由「行政總裁」變「首席智囊」, 13日傍晚李慧玲就被即時解僱,難怪個個斷言係陳志雲主意,上週四李慧玲開記招都全程咬住陳志雲唔放,連商台官方回應「君子相分,不出惡言」八個字,都被外界以為係出自平時咬文嚼字的陳志雲。

扮聽眾打去大班台

李慧玲個人記招細述與陳志雲結怨史,雖然陳志雲喺商台一人之下萬人之上,但怒炒李慧玲幕後的總指揮是副主席俞琤。據知情人士透露,俞琤 04年找來跑政治新聞的李慧玲,起用從冇廣播經驗的她在商台開咪,俞琤一度甚嘗識李慧玲,不過密月期至 11年中,大班斟李慧玲過檔 dbc開咪為止。

「 YT(俞琤)最初的確好錫李慧玲,兩個成日一齊去食飯飲紅酒食大閘蟹,不過陳志雲入咗去做 CEO後, YT表面上淡出,先同李慧玲冇咁密接觸;到咗大班話想撬李慧玲過 dbc, YT嬲到震,佢覺得李慧玲有離心,加上仲要係想去大班度, YT當年一手炒大班,一直冇朋友做。」知情者說。

據知由那時起,俞琤開始遊說陳志雲開咪。消息人士指,俞琤曾話「商台冇咗佢(李慧玲)都得」!更極力部署由靚聲出名的陳志雲開咪,逐步整走李慧玲。「 689憎李慧玲就好多人都知啦,不過李慧玲得罪埋俞琤連佢自己都唔知!佢正式調離《晴朗》,轉做夜晚《左右大局》後,接受雜誌訪問大爆料,搞到有狗仔隊追住何驥(主席)和俞琤問回應,呢單嘢俞琤要護主心切,更加迫陳志雲要盡快出手。」

有指李慧玲調到晚上時段期間,行為更加飄忽,除不願與管理層溝通外,更在明報撤換老總一事,她以聽眾身份致電 D100,與大班傾了差不多半個鐘 phone-in,幾乎變嘉賓主持咁滯。「俞琤知道之後,更加覺得『係時候』!講真,以陳志雲咁高 EQ,即使你當面指住佢話佢有破壞冇建設,佢都未必會嬲!」

劊子手

俞琤從 11年 dbc事件開始與李慧玲積怨,有傳何驥(小圖)因為李慧玲而被追訪感覺被冒犯,商台正副主席才真正對名嘴操生殺大權。《蘋果日報》圖片

替死鬼

志雲開咪反駁完,輪到商台總經理陳靜嫻召開臨時記者會否認因為續牌受壓,其實李慧玲被炒,兩位都冇份決策。

我真係冇同李慧玲傾過(入職),要等佢自己決定。(真實對白)

17/2  D100開咪

我絕對相信有商台高層支持,高層當然包括俞琤包括何生!(真實對白)

李慧玲:佢係前台劊子手

陳志雲在炒人前一日宣布轉職「首席智囊」同樣巧手安排,既大條道理脫離管理層、又可符合通訊局新例,繼續開咪主持節目。

週一( 17日),連日以來到處發聲鳴寃的李慧玲再踩上 D100《風波裡的茶杯》接受鄭經翰訪問。

本刊問她被炒一事是否由俞琤落 order,她說:「一直同我直接交涉嘅係陳志雲,但我相信實有幕後支持,包括俞琤同何生(商台主席何驥)!」之後她再強調陳志雲係前台劊子手,幕後一定有人同意。問她導火線是否由大班叫她跳槽到 dbc,她說:「我唔認為係咁!」她亦承認自己早前曾致電 D100發表明報換老總一事,「我唔使扮(聽眾),我就係李小姐!我係有打到!」

而大班就話 D100請唔起李慧玲,「邊有錢請人?我哋係和平飯店,邊個喺江湖撈唔掂咪請囉!(有冇傾過?)以前 dbc已傾過啦……不過(𠵱家)由佢決定啦,佢有選擇!(俞琤要炒佢?)一定關俞琤事!佢份人好 business,商業決定但受政治影響!」

鬧政府直腸直肚,李慧玲在個人社交網站 facebook亦不忌諱炮轟商台及志雲,被指亦是導致俞琤出手原因。

指控被炒是商台受到續牌政治壓力,週日( 16日)李慧玲出席《城市論壇》話:「我出嚟講嘢就係證據,我本人就係一個證人。」

蜜月期

志雲同李慧玲都唔係第一日就交惡,陳志雲 12年 3月入職商台,李慧玲曾經讚到出面:「在陳志雲身上學到好多嘢。」《蘋果日報》圖片

執包袱

商台團拜第二日,趕在辦公時間前(約 5點)發信解僱李慧玲,連辦公桌都要行政部人員清理,不准李慧玲踏入商台。《蘋果日報》圖片

十年咒怨

俞琤、鄭經翰及李慧玲的恩怨十年前已經拉開序幕,想不到當年大班被炒,商台捧起李慧玲做新名嘴,十年後又輪到李慧玲同樣下場,轉投大班網台訴苦水。

04年 8月

鄭經翰原定與商台履行至同年 9月 28日的合約提早解約,俞琤驚爆大班有意參選立法會、而鄭經翰反駁商台欲阻止其參選,二人爆發長達兩週罵戰,最高潮是 8月 2日俞琤與大班在直播室對質,俞琤眼鏡不斷跌落鼻樑。《蘋果日報》圖片

04年 10月

九年歷史的《風波裡的茶杯》正式腰斬,被 10月 4日啟播之全新節目《在晴朗的一天出發》取代,新主持包括娛樂、政經、文化各界,傍晚主持《左右大局》的正是李慧玲。《蘋果日報》圖片



鍾意就快D Share啦!