網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月19日 星期三

[FACE 352] 大把人追 冇見吳克羣 超蓮情人節新仔送花 超蓮,何超蓮,MF,




15/2

上週六( 15日)超蓮攞住個電話自拍鬼馬樣,而手上的電話機殼亦是男友吳克群所送。

真面目

大把人追 冇見吳克羣 超蓮情人節新仔送花

賭王最索千金何超蓮同台灣男星吳克羣拍拖超過 2年,去年更在東華騷後半公開情侶關係, 22歲超蓮更加愛得高調,就算飛到台灣慰仔都全情大方任影,睇嚟 34歲吳克羣確冧得何家千金好妥當。

不過超蓮貴為全城矚目索女,兵仔自然多到數唔曬,上週五情人節,冇仔陪的超蓮一樣有人送花上門,但最大件事係送花者並非吳克羣。情人節俾人挑機,克羣真係要認真補吓飛喎。

其他影片

何超蓮跟吳克羣戀情蒲面,雖然二人拍拖兩年幾,情人節前吳克羣又公開冧女宣言:「一旦愛了就會好愛,愛到底的守護對方。」之後在週一( 17日)又稱愛超蓮不是為錢:「我們自己可以過很棒的生活,不管有錢或者沒錢。」但情人節咁大日子,吳克羣卻忙於在北京宣傳新戲,冇現身香港冧女友,難怪遭人乘虛而入。

14/2 神秘收花

情人節正日,有人速遞鮮花到超蓮家,但超蓮堅稱唔識送花男 Phoenix!

超蓮母親三太好 like吳克群,不過早前三太就爆克群冇同佢拜年,想做何家女婿就要注重吓禮節啦!

「鳳凰」速遞

吳克羣情人節放軟手腳,但超蓮其他兵仔卻努力進攻,上週五的情人節正日,本刊發現在超蓮家有花店職員速遞鮮花,該職員更爆送花者並非吳克羣,該職員說:「紮花係送畀 Laurinda(超蓮洋名)嘅,係一個叫 Phoenix(解鳳凰)嘅人送。」估唔到新仔個名幾有型。

台北蜜遊

上月 26日,超蓮飛往台北約會男友吳克群,兩人在台北街頭浪漫行街,之後超蓮更返回克群香閨過夜。

台灣《蘋果日報》圖片

溫馨捉手

其間二人往蛋糕店買蛋糕,克群更忍不住捉住超蓮手玩踩腳遊戲,好鬼溫馨。

台灣《蘋果日報》圖片

同男友 web chat

至上週六( 15日),超蓮約一班好姊妹於銅鑼灣行街兼睇戲,對於獲神秘 Phoenix送花,初時超蓮故作神秘,其後超蓮好在都補句:「慶祝情人節唔一定喺正日嘅!」咁克群應該冇咁驚!

F:《 FACE》 超:超蓮

F:噚日有個 P字頭男仔送花畀你喎!

超:係咩?

F:驚唔驚克羣嬲呀?

超:咁慶祝情人節唔一定要正日嘅!

F:情人節有冇同克群 web chat呀?

超:我同好多人都有傾呀!

F:送花畀你嗰個叫 Phoenix喎!

超: Phoenix?邊個嚟㗎?我真係唔識佢喎!

會唔會超蓮你兵仔太多,唔記得咗人呀?

15/2 買糖食

冇男友陪,超蓮就同朋友仔去買糖食,心唔甜起碼口甜!

睇笑片

之後超蓮再去買飛睇《六福喜事》,悶悶哋咪笑吓囉!

16/2 長洲搵食

雖然冇男友陪,不過超蓮都唔怕悶,去完老銅,週日( 16日)又去咗長洲食嘢。

拒婚大男人

生於台灣高雄市的 34歲吳克羣,自從同何超蓮拍拖後,一直堅持自己不婚兼不使女人錢,去年亦有台灣雜誌話佢獲超蓮揼水 500萬港幣開公司,他即於微博放舉中指相激動澄清:「我吳克羣寧願死也不能傷害我一絲尊嚴!」

講軟飯

我媽從小告訴我,打女人、用女人錢的男人豬狗不如。

我是一分錢都不讓女生付,連計程車資都不可以讓女生付的人。

談不婚

如果沒辦法給對方想要的未來,我會主動提分手。

入豪門

很多嫁入豪門的人,最後的結果可能是被打。



鍾意就快D Share啦!