[FACE 352 外地娛樂] 首爾直擊 少時機場零妝 少時,少女時代,MF,

甚少素顏現身嘅 Jessica過關要除黑超，輪廓都幾標致，阿嬌完全唔係佢對手。

FBI

首爾直擊　少時機場零妝

情人節翌日除咗 BIGBANG飛嚟香港同 VIP攬攬，韓國女天團少女時代亦去咗澳門吸金，當日佢哋一早由首爾仁川機場出發，去澳門威尼斯人金光綜藝館舉行一場「 GIRLS' GENERATION World Tour-Girls＆ Peace- in Macau」演唱會， FBI第一時間立刻派親信去咗首爾機場送機。

其他影片

見到佢哋嗰朝大約 6點 15分就喺仁川機場出現， 9個索女幾乎人人黑超上陣，只有秀英素顏話之你。而勁老友嘅允兒仲同 Jessica繑曬手入閘，入到閘後要通過保安檢查，離遠見到 Jessica除黑超露素顏樣，都幾省鏡。唔怪得阿嬌嘅韓籍富豪前男友 K先生（權寧一）冧到 Jessica暈啦！

秀英一向自信，經常零妝現身機場又唔戴黑超。大家睇吓佢嘅皮膚，確係爆靚，化妝同唔化妝冇太大分別。

Jessica一直繑實允兒帶頭行入閘，兩個人好有大家姐風範。

演唱會喺上週六（ 15號）晚 8時 15分開始，少時一口氣唱咗〈 Hoot〉、〈 Animal〉、〈 The Boys〉及〈 I Got a Boy〉 4首歌，施展渾身解數趴地、扭籮兼 fing髮。之後成員先用韓文跟粉絲打招呼，再一齊用普通話講：「大家好，我們是少女時代。」

鍾意就快D Share啦！

下一篇 》