[FACE 352] 跑完又要潮 肯雅徐唔准影鼻 MF,

做緊訪問嘅阿徐，一見相機即刻本能反應抹鼻，阿徐仲請 FBI唔好咁近影。其實運動員嘅汗水係好靚㗎，肯雅徐。

FBI

跑完又要潮　肯雅徐唔准影鼻

之前老婆 A、 B餐，唔少網友都撐「 B餐」謝安琪。不過週日（ 16日）渣馬，就輪到變身「肯雅徐」嘅「 A餐」徐威曬。

阿徐近年都好努力練長跑，去過世界各地參加馬拉松比賽，女性跑全馬已經唔簡單，阿徐仲以 3小時 52分完成，拋離陳山聰同張致恆（ Steven）。有心有力重要，但 keep住個潮樣更重要！贏班男人成條街， FBI趁機想近影阿徐跑完幾粒鐘之後，潮樣有冇謝曬呢？之但係阿徐就好有戒心，訪問中途用手指邊遮住個鼻窿邊同 FBI講：「唔好咁近影我。」跟住仲問身邊人，佢個鼻係咪有汙糟嘢，確定乾乾淨淨先繼續做訪問。時刻都保持警覺 keep住靚樣， FBI撐肯雅徐喎！ B餐琪又跑唔跑得鬱 10公里呢？

阿徐 3小時 52分完成全馬！真係好難得兼好辛苦。有幾難？大家試吓喺跑步機開速度 10或 11連續跑 4個鐘就知咩事。

肯雅徐問身邊位 Nike夜跑之友：「（個鼻）係咪有汙糟嘢？」百分百肯定靚樣先肯繼續受訪。

當日心悠 BB 4點已到現場，着埋 4件衫加手襪，一到場仲即刻壓腿拉筋，足足拉咗半個鐘，佢最後以 1小時 7分完成 10公里賽，輸咗畀冇練過都跑 1小時 04分 HotCha嘅 Regen，不過挑戰自己最緊要。

練咗半年嘅陳山聰靠食鹽補充體力，最終以 4小時 39分完成比賽，衝線一刻佢成個非洲選手咁感謝上天。

應屆港姐亞軍， TVB代表蔡思貝一向好馬力，大學時又鍾意田徑遊水，所以跑 10K易到痺，一起跑已經成支箭咁衝出去，最後以 49分 16完成 10公里賽，快過好多男星。

鍾意就快D Share啦！

下一篇 》