掃呢頁CODE去手機

2014年2月26日 星期三

[FACE 353] 失財化水 嘉欣 BB濕啜煎 Pang 嘉欣 BB,鍾嘉欣,MF,




上週四氣溫只得 11℃,拍外景已經辛苦,仲要落埋水,好彩煎 pang同嘉欣都帶備私夥潛水衣打底先冇咁辛苦。

FBI

失財化水 嘉欣 BB濕啜煎 Pang

TVB間唔中都有失竊事件發生,最新受害者竟然係女神鍾嘉欣。出名慳嘅嘉欣 BB有日拍外景諗住「萬歲」劇組,㩒咗 6,000蚊,再用$2,500買 pizza,理應仲有$3,500剩。點知最後發現銀包得番 150蚊。雖然嘉欣吸金力強,出席活動閒閒哋收 10萬 8萬,不過唔見咗 3千幾蚊都好肉痛, FBI聽聞 TVB都高度重視呢次失竊事件。嘉欣身邊好友同 FBI講:「佢講出嚟,唔係要緝兇,只係想呻嚇啫。」。

上週六( 22日)嘉欣收拾好心情繼續開工,仲同新緋聞男友陳展鵬為《大藥坊》趕拍落水親熱戲,佢同 FBI講,已經冇諗被偷錢嘅事,「破財擋災囉,可能我記錯咗呢……哈哈!」 FBI仲八到,《大》劇由上年 11月拍到𠵱家 2月尾 3月頭都仲未拍完,起碼仲有 3星期先完工,原因係無綫實施新工時制度,規定每位員工每日要有九小時休息,至令《大》劇拍攝時間長咗。

工作人員多咗休息,希望提升到無綫劇質素,拍套有《來自星星的你》水準嘅劇出來威嚇嘛。

2人喺《大藥坊》飾演情侶,呢幕水中親吻雖然係借位拍,但都幾浪漫。

劇情講展鵬要英雄救美,為缺氧嘅嘉欣做人工呼吸。其實點解要喺水入面做呢?

嘉欣 BB大頭蝦,唔記得除隱形眼鏡落水,結果一落水即沖甩隱形眼鏡。

上星期一,嘉欣 BB出席一春茗活動時提起失竊事件,佢話唔見錢嗰陣啱啱喺新年期間,當破財擋災喎。



鍾意就快D Share啦!