掃呢頁CODE去手機

2014年2月26日 星期三

[FACE 353] 氹開騷爭獎 千嬅 hea珊珊 珊珊,楊千嬅,千嬅,林珊珊,MF,




情人節前一日都要傾公事,千嬅梗係唔多願意,仲要佢出頒獎禮爭獎,機會唔大囉!

FBI

氹開騷爭獎 千嬅 hea珊珊

生完之後密密接戲嘅楊千嬅,成功做埋金像影後,但有成年幾冇出新歌,唱片公司梗係頭痕。話說自從林珊珊入咗寰亞,重整旗鼓搞好唱片部,但 Sammi、何韻詩一向自己話曬事,仲有傳 Sammi會跟許志安過檔 Paco「太陽娛樂」添!

丁子高坐第二張枱見客,不時拎部電話出嚟睇,係唔係同老婆玩 WhatsApp?

據知,林珊珊正出力遊說千嬅復出年尾頒獎禮,仲話幫佢開跨年演唱會。其實今年初咁多樂壇頒獎禮,千嬅已經全部 no show,可見丁太已經唔想玩頒獎禮遊戲,寰亞只好靠王菀之爭獎!據聞寰亞好想千嬅今年全力出碟,年尾再參加頒獎禮,「省靚」番公司招牌。

早前, FBI就撞到林珊珊同千嬅喺銅鑼灣 Cova密斟, FBI仲八到當日佢兩個傾到頒獎禮話題時,千嬅即時耍手擰頭,仲有少少火藥味,而且當日千嬅一拖三,兩個助手連老公丁子高,雖然丁生同場唔同枱,不過四對一點會冇壓力?唔怪得走嗰陣, FBI問千嬅係咪開演唱會?佢大大聲咁話︰「佢(林珊珊)想我開咋!」有時候,咁大粒星又唔等錢使,點迫喎!

本來千嬅身邊有位跟咗多年嘅經理人,據聞最近辭職,林珊珊將接手千嬅嘅電影和唱片。話曬返咗工年幾,林珊珊都要交成績,睇佢傾得幾肉緊!

千嬅上一次開騷,已經係 11年喺九展開嘅「 Minor Classics Live」,當時本刊率先報道千嬅大肚。據知林珊珊有意為千嬅今年開跨年騷,再搵人做首金曲添!

千嬅已兩年冇出席頒獎禮,上年畀面商台,出席叱吒捧走「我最喜愛女歌手」,今年點都唔去,由何韻詩冷手執個熱煎堆。

'13

'14



鍾意就快D Share啦!