[忽然1周 973] 楊千嬅開心晒仔 楊千嬅,千嬅,MW,

40歲嘅千嬅仲可以趕尾班車生多個，梅雪詩就將時間俾曬粵劇，無諗過結婚生仔。

媽咪姐

楊千嬅開心曬仔

陳寶珠同梅雪詩主演嘅粵劇《再世紅梅記》上個星期喺中環舉行慈善演出記招，雖然白雪仙因為感冒嚟唔到支持愛徒，但當日林建嶽同楊千嬅就一早現身支持。

當日千嬅見到寶珠姐同阿嗲即刻變咗小粉絲要影合照，又猛開手機入面嘅囝囝 Torres生活照同恨抱孫嘅寶珠姐分享。聽到偶像大讚阿仔精靈可愛，呢位廿四孝阿媽鬼咁開心。

嗰日千嬅仲同媽咪姐透露 Torres好有音樂天份，除咗成日喺屋企睇佢啲 MV外，呢排仲聽緊 Bruno Mars嘅歌，佢仲話會落力栽培囝囝嘅歌唱天份，想帶 Torres欣賞粵劇，不過擔心到時阿仔會大叫影響觀眾囉。

乜嘢叫「有子萬事足」？睇千嬅呢個勝利笑容就知。寶珠姐個樣都好羨慕。

除咗天後鍾意小朋友，小天後薛凱琪一樣咁鍾意，佢早幾日出席 Shiseido活動，就俾送花嘅小男孩冧死。趁後生，自己生番個

鍾意就快D Share啦！

下一篇 》