掃呢頁CODE去手機

2014年3月6日 星期四

[壹週刊 1252] 兩舊愛同場 謝賢甄珍緣慳一面 甄珍,謝賢,M1,




離過兩次婚嘅四哥,曾經講過甄珍最 hurt佢,而家同細佢 47年嘅女友 CoCo拍拖踏入第九年,好長情。

同你吟一吟

兩舊愛同場 謝賢甄珍緣慳一面

中環 Cafe Landmark一向係明星歎茶不二之選,上個禮拜六(三月一日),常客四哥同朋友 high tea,隔冇耐,佢位前妻狄波拉同現任 honey鬍鬚 Kong都嚟埋。

當日拉姑身邊有後生有細路,見到兩個混血囡囡,有孫等於冇孫嘅拉姑,攞住自己部 mini iPad係咁氹,之後又拖住行,當正兩個小妹妹係 Lucas同 Quintus。

四哥同拉姑關係好,臨走前,佢仲埋去同拉姑 say goodbye。點知四哥走咗唔夠幾分鐘,佢個前前妻甄珍,同囝囝劉子千就到,錯過咗世紀一聚機會。

當年為咗劉家昌同四哥離婚嘅甄珍,六十六歲先同劉家昌婚變,老來得番個寶貝仔。

兩母子撐枱腳,但《壹》仔離遠都見到俾老媽子哦足一餐飯嘅千千不斷「 jep jep聲」,食完飯,劉千子問阿媽攞咗幾百蚊,就一支箭走咗去。

唔,如果當年甄珍繼續同四哥一齊,個結局又會係點呢?

鍾意細路嘅拉姑,叫老公鬍鬚 Kong幫手攞 iPad影合影。

兩個孫仔長住新加坡,拉姑將小妹妹當自己孫氹。

甄珍一坐低就教仔,搞到千千冇曬表情,仲擰歪面唔望阿媽。

食飽飯,千千問阿媽攞咗幾百蚊,之後一支箭走咗去。



鍾意就快D Share啦!