全城熱爆的娛樂八封新聞 & 時事趣聞 & 生活 + 趣聞
楊明同呢位中女行得幾埋，雖然睇落對方年紀似大過楊明，但 keep得唔錯，溝通到咪得囉。
楊明近年喺無綫多得珍姐睇住，劇集戲分愈來愈多。剛播完嘅《單戀雙城》飾演陳茵媺前度，表現亦受關注。事業上正軌，愛情好似冇咁好運，上年原本由結婚到搞到分手收場。
上週二（ 25日） FBI喺長洲發現佢同一位煙癮大中女一齊，同行仲有另一位四眼中年女人，三人租咗架單車遊長洲。由於兩位女性都唔願踩單車，結果楊明要做車伕，一個人踩架三輪車幾鬼溫馨。話唔定，楊明好快就有好消息公布喎。
楊明努力踩單車，二女就喺後座歎煙，做女人真係爽。
楊明上年原本同拍拖 3年嘅圈外女友結婚，可借最後因意見不合，影曬結婚相都結唔成婚，仲分埋手。
