掃呢頁CODE去手機

2014年3月6日 星期四

[FACE 354] 馬明請陳勳奇女 連食 3檸檬 馬明,陳勳奇,雨書,陳勳奇女,馬國明,MF,




馬明為無綫第一筍盤,雨書𥄫中係正常。早排情人節,雨書又發功將馬明同佢為新片影嘅宣傳照印上大量「心心」並 po上微博,示愛示到出曬面。

FBI

馬明請陳勳奇女 連食 3檸檬

早前本刊踢爆陳勳奇愛女雨書(原名:陳開心),喺無錫拍內地電影《緣來是遊戲》期間姣溝馬國明。 FBI八到雨書對馬明呢個無綫第一筍盤相當嗒糖,即使近期被影到去咗李思捷屋企短聚,不過佢最冧嘅始終係馬明。

FBI仲八到最近雨書連約馬明 3次食飯,可惜馬明 3次都請食檸檬,馬明仲向身邊人呻話覺得對方有啲煩。 FBI打過畀雨書求證,雨書喺電話表示:「冇啲咁嘅事……朋友啫。」其實馬明咁筍又單身,有邊個女人唔想嗒呀?

馬明忙緊拍《官場浮世繪》,雖然係男一,但又未忙到食唔到飯嘅,不過佢就唔係好嗒雨書糖,借啲意話唔得閒,推咗對方。

上年喺內地拍電影《緣來是遊戲》,雨書一見馬明即刻嗒糖,拍攝期間仲周不時主動撩對方。



鍾意就快D Share啦!