[FACE 354] 愛上做奸 金宇彬：女仔鍾意壞男孩 金宇彬,MF,

做忠角易入屋，不過金宇彬反而鍾意做奸角，「壞男孩的角色很有吸引力。」係因為靚仔啫！醜男做奸，鬼有吸引力咩？

FBI

愛上做奸　金宇彬：女仔鍾意壞男孩

《繼承者們》嘅「崔英道」金宇彬，早前嚟咗香港出席新都城活動，到港當日除咗令粉絲迫爆機場，亦吸引過千位粉絲去商場見偶像。

FBI之後訪問咗金宇彬，佢話平時都有睇港產片，最愛係《重慶森林》； 5月，金宇彬仲有新戲《朋友 2：繼承者時代》喺香港上映，今次孭飛做「男一」演江湖大佬，又係做奸角，不過金宇彬就話無所謂，「壞男孩的角色很有吸引力，我現在明白女仔喜歡壞男孩的原因。」佢話今次拍到《朋友 2》呢套戲，全靠導演郭暻澤嘅表弟推薦，仲話今次有好多動作戲，「新戲有好多動作同語言的訓練，戲入面角色要揸電單車，我有去學揸，因為我想拍得安全得嚟又有型。」講到尾都係貪靚啫。

金宇彬喺《繼承者們》中飾演崔英道，同主角李敏鎬爭女。雖然係奸角，不過夠高大靚仔，亦令佢彈起成為萬人迷。網上圖片

金宇彬喺新片《朋友 2：繼承者時代》中飾演飛車黨頭目，當然有唔少飛車片段，仲為套戲專登學揸電單車。網上圖片

金宇彬喺《朋友 2》做主角，同韓國出名演技派嘅劉五勝合作。佢話：「喺現場見到佢哋演戲已經好開心，仲同佢哋做對手，以前冇諗過。」網上圖片

金宇彬前週日（ 16日）首度來港，吸引近千粉絲接機。當日即使戴曬口罩、 cap帽，依然令在場粉絲瘋狂。

金宇彬入行前係一名 model，身形當然有番咁上下。身高 188cm再加上 6嚿腹肌，港女唔冧就假。網上圖片

鍾意就快D Share啦！

下一篇 》