2014年3月6日 星期四

霆鋒婉拒「鋒菲」飯聚內情 擔心栢芝帶走兩個仔 霆鋒,鋒菲,王菲,張栢芝,栢芝,謝霆鋒,




霆鋒婉拒「鋒菲」飯聚內情 擔心栢芝帶走兩個仔

2014-03-05 11:59:00



霆鋒喺巴黎睇騷,唔答會唔會同王菲見面,而栢芝就喺上海出席活動。

近日有報道指趙薇答應擔任謝霆鋒飲食節目《十二道鋒味》嘉賓,除咗借出酒莊拍攝之外,趙薇仲會拉線,安排霆鋒同王菲嚟個世紀飯聚,不過有報道指霆鋒婉拒出席,點解呢?今日有雜誌報道話,霆鋒未有答應出席「鋒菲」飯聚原因,原來係同前妻張栢芝有關,報道引述霆鋒身邊人透露:「係都唔喺嗰邊見啦﹗俾人影到,驚栢芝又帶走兩個仔﹗」

報道話栢芝同霆鋒雖然已離婚兩年幾,但原來栢芝仲未完全放低,又話每當霆鋒爆出緋聞,栢芝仍「高度戒備」,好似之前霆鋒同周迅爆緋聞,惹起熱話,雖然雙方否認緋聞,但此事就觸動栢芝過敏神經,報道指栢芝因為前夫同周迅傳緋聞,因此帶埋兩個寶貝仔Lucas及Quintus飛去溫哥華,所以今次趙薇安排鋒菲世紀飯聚,霆鋒都唔敢應承喎。

而霆鋒現身巴黎睇時裝騷,講到王菲及緋聞女友Janice Man都身在巴黎,霆鋒就話:「好多人都喺巴黎,我唔答呢啲問題。」會唔會同王菲見下面咁呢?霆鋒話:「我唔答呢啲問題。」至於王菲方面,對於鋒菲喺巴黎再聚,就簡單回應道:「這是幻想來的,怎樣回應?」

這邊廂霆鋒去咗巴黎睇騷,那邊廂前妻張栢芝就暫時撇低兩個寶貝仔,離開新加坡去咗上海出席第二季《媽媽咪呀》節目錄影,栢芝雖然久未出席公開活動,但佢身穿挺胸露背裝,狀態大勇。

講到呢個節目,栢芝就直言心情興奮,因為佢本身都係一個媽咪,絕對身同感受做媽咪嘅辛苦,但同時又感到幸福。栢芝又話之前喺新加坡湊仔,返內地首項工作就係參加《媽媽咪呀》,講到節目內嘅媽媽們,佢話:「她們是女人,也都是平凡的人,現在她們可以在舞台上展現自己。看到她們完成自己的夢想,我激動得都快哭出來了。但是我想在這裡和媽媽們說,不要把自己當成平凡的人,因為能當媽媽已經是非常不平凡了。」



有報道指栢芝因為霆鋒早排同周迅傳緋聞,而打翻醋埕。





型到爆的霆鋒。



對於有指鋒菲巴黎再聚,王菲方面就簡單回應:這是幻想來的,怎樣回應?(資料圖片)



栢芝同兩個囝囝喺新加坡生活愜意。(微博圖片)



(微博圖片)



化妝中的張栢芝



鍾意就快D Share啦!