艾威約滿港視 埋首寫劇本： 希望搵到老闆投資
2014-03-24 13:31:00
艾威話同朋友埋首寫緊劇本，希望搵到老闆投資。（攝影：黃偉雄）
又有韓星襲港啦，今次係六人男子組合叫Beat Win，佢哋今日出席喺會展舉行嘅影視娛樂博覽及香港國際電影節活動，並宣佈加盟A&B記者會，六子先以國語「大家好」作自我介紹。據悉Beat Win今年一月先出道，但已火速打入K-pop，並於日本舉行迷你演唱會。而艾威﹑陳少邦及邵音音到場支持。
問艾威覺唔覺得現時韓風好強？佢話：「都唔使覺得啦，直情有眼睇，香港要發憤圖強，超越韓國，等佢哋簽返我哋。」
問到近況，艾威表示已約滿港視，佢話：「出面啲公司透過港視搵我做嘢。（好有人情味？）都正常嘅。」
談及新工作，艾威透露於四月中開拍新戲，並於內地及馬來西亞取景拍攝，之後仲有舞台劇演出。問到係咪冇其他港視藝人咁愁呢？佢就話：「都愁0架，0依家同朋友寫緊劇本，希望搵到老闆投資，若果成事，會搵港視藝人演出。」
韓國組合Beat Win加入新公司。
即場舉行簽約儀式。
|
鍾意就快D Share啦！
|
|
|
