栢芝發「黐」威 撐緋聞男友： 我聽日死嘛﹗
2014-03-24 21:05:00
張栢芝螢光打扮撐C AllStar，兼高調支持緋聞男友釗峰，搶盡風頭，點知栢芝表現不滿，仲責怪記者唔尊重人家。
張栢芝噚晚化身人形螢光棒，去紅館捧C AllStar處男演唱會，順便撐緋聞男友釗峰場，開場前栢芝到後台為佢哋打氣兼合照，之後再返回座位睇騷。
咁栢芝噚晚呢身「螢」人打扮，係好難發現唔到佢，栢芝睇足全場，其間表現亢奮，更企起通道上拎住螢光棒跟住拍子喪跳，好鬼high囉﹗不過喺換衫位時，栢芝竟然拎個粉盒出嚟補粉。
勁鍾意紋身嘅栢芝，除騷頸後及左手手腕紋身外，左手手臂內側似乎又多咗個紋身，紋咗個「Ujah」嘅紋身。其間C AllStar獻唱栢芝前夫謝霆鋒嘅《無聲仿有聲》及王菲《冷戰》，栢芝亦投入地跟住唱。
事實上，栢芝每次現身都成為焦點，雖然佢喺新加坡生活時，已習慣「被集郵」，不過返到香港後，佢就唔慣被傳媒追訪，當佢喺台下又唱又跳咁high，搶曬人家風頭咁滯，點知栢芝大發「黐」威反鬧記者：「0依家喺人哋演唱會，你哋要尊重下人。」跟住仲動手擰開記者相機鏡頭。
當栢芝聽到有人再問佢幾時走？佢就語帶雙關地話：「我唔想走喇！因為我聽日死嘛，你哋尊重嚇人哋個演唱會喇，唔好掛住拍！」
有記者解釋只有呢部分先可拍片，不過栢芝仍然唔滿意，邊動手拍記者個頭邊話：「拍你個頭就有呀！」
喺演唱會尾聲，釗峰獻唱《天梯》時忍不住喺台上爆喊，佢向觀眾半跪致歉，而栢芝亦被感動到拎紙巾拭淚，而C ALLStar多謝栢芝捧場時，栢芝亦即做出敬禮手勢。
C ALLStar事後表示有邀請栢芝睇騷：「栢芝同老闆好朋友，佢同老闆講如果我哋開騷，有時間一定嚟睇！」
釗峰同栢芝喺後台合照。
仲有同鄺美雲
C AllStar落力演出
栢芝情緒高漲，high到震。
著到咁螢，真係好難認唔出囉﹗
wow..除衫﹗
釗峰喺台上感觸落淚，栢芝又喊埋一份。（攝影：王連連）
拖手仔合唱
|
鍾意就快D Share啦！
|
|
|
