2014年3月24日星期一

【情傷傷身？】DaDa肚凸凸唔修身決絕話唔要男人 DaDa,陳靜,

【情傷傷身？】DaDa肚凸凸唔修身決絕話唔要男人

2014-03-24 15:39:00

攝影:陳慧安

古天樂、DaDa陳靜、林家棟、王敏德、盧海鵬等今日齊到會展出席香港影視娛樂博覽，宣傳新片《Z風暴》，DaDa肚凸凸現身，似乎由退出(再復出)至今都未成功修身。王敏德發言時，問大家:「我啲廣東話ok唔ok？」鵬哥即試咪:「但講台辭仆街呢!」司儀區永權即取笑鵬哥又忍不住試咪。

問DaDa究竟肥咗幾多？係咪冇修身呢？佢話之前剛去完日本，返來時已經腫咗好多，可能去旅行放鬆得滯。」咁肥咗幾多磅？佢話:「腫咗幾磅，唔係肥。」

DaDa表示剛去完清遠過25歲生日，並探訪當地小朋友。佢話:「今年生日想過得有意義啲，過去都係同女仔friend吃喝玩樂，今次想唔同啲。」至於生日願望，就係希望《Z風暴》票房大賣:「我覺得我喺呢部戲裡面，我真係有一個角色，有要做戲嘅感覺。」咁以前嗰啲唔係咩？仲試過憑《低俗喜劇》爆炸糖奪金像獎最佳女配角喎，DaDa謙稱:「嗰次係好運多，因為嗰個係一個好角色，其實自已未開曬竅，仲學緊。上次係誤打誤撞，觀眾鍾意我個角色。」

又講番生日願望，會否想要個男朋呢？DaDa即決絕謂:「唔想!阻住曬，阻住好多嘢!」但佢之前係話過想搵另一半，是否復出後心態轉變了？佢話:「都係呢一年發生嘅事，令我珍惜依家有嘅，情人節都會羨慕人哋，但呢啲念頭一閃就過。依家主要都係陪屋企人，同家姐個女。」

講到斬釘截鐵唔要新戀情，是否之前曾受情傷？DaDa話:「冇喎!我我呢方面經驗不夠。」又再強調一次唔係受情傷:「依家未係時候(拍拖)，直頭唔想添，影響工作。但如果拍拖，我一定會講，唔會收收埋埋。」