2014年3月31日星期一

陳妍希驚爆一早同文章撻著姚笛只係「小四」？文章,陳妍希,

陳妍希驚爆一早同文章撻著姚笛只係「小四」？

2014-03-31 20:17:00

內地術語流行講「小三」，即係「第三者」之意，但今次文章「偷食」事件，竟然唔止爆出個「小三」，仲有「小四」？

內地男星文章被踢爆同姚笛搞婚外情，仲要有圖有真相，知衰嘅文章喺微博承認自己出軌，仲鬧自己係咎由自取。不過有網民就話，翻查到台灣女星陳妍希先至係小三，事關12年6月文章同陳妍希合拍電影《不二神探》，有「知情人士」爆料話，喺電影開拍咗一個禮拜，佢哋就撻著。

至於同文章曾經合作過劇集《裸婚時代》嘅姚笛，則有兩個說法，一個係話兩人於2011年拍《裸婚》時已暗交，亦有報道指佢哋係去年初先至擦出愛火。所以按時序推論，姚笛被指係「小四」，妍希就變成「小三」。

其實妍希BB同文章嘅緋聞之前都傳得好勁，但兩位當事人均予以否認。都未搞清係咪真，已有強國網民喺妍希微博留言攻擊佢「謝謝姚笛替你擋刀吧」、「人在做、天在看，小三會有報應的」、「你謝謝姚笛吧！不然姚笛的今天就換成你了。你也不是什麼好鳥，娛樂圈都知道你和文章那點破事」。

陳妍希經理人今日接受訪問澄清，佢話：「當時陳妍希同文章、李連傑等演員及劇組工作人員都很要好，並沒跟文章走得特別近。」對於妍希BB被指係文章嘅小三，經理人都覺得好無奈：「別人的家事，我們不需要回應。」

拿，睇番資料，之前咪講過，話吳君如前年5月左右做咗三次「雞仔媒人」，想撮合古天樂同妍希BB嘅？但當時唔成事，事後君如仲爆料話妍希BB覺得古仔太「沉默」；但據知情人士話，當時古仔係同陳喬恩一齊，而妍希BB就係差唔多嗰段時間同文章接拍《不二神探》，未幾仲傳出已「撻著」。

文章同古仔之前因為合作拍陳可辛嗰套《神奇俠侶》而成為好友。咁如果文章真係同妍希BB「成為好朋友」，古仔又豈會不知呢？至於點解古仔同妍希撻唔著？你懂的……