馮仁昭四圍超：示範逢人攬 成龍貼面女主持再被轟 - 馮仁昭
正所謂好事不出門，醜事傳千里，成日喺公眾場合出醜嘅成龍，日前就喺全國兩會上，俾人全程直擊佢當眾向中國歌壇天後、軍旅歌星宋祖英又攬又錫，令宋祖英十分尷尬，呢個咁失禮嘅行為，即刻惹嚟網民嘅非議，狂轟成龍表現猖狂兼欠大體！
■成龍當眾向中國歌壇天後宋祖英又攬又錫。 資料圖片
無私顯見私
前日成龍喺北京出席「和平友愛」演唱會發佈會，平時慣咗有問不答嘅成龍，唔知係咪擔心事件對佢不利，今次竟然開腔回應呢件事，佢話：「我每次都這樣的，只是這次被拍到登出來了，沒甚麼大驚小怪的，別把事情放那麼大。」既然係冇乜大驚小怪，又使乜回應呢？似乎有啲無私顯見私！轉個頭喺記者會度，成龍又再重施故技，喺台上強行同擔任司儀嘅春妮，即係北京著名主持人面貼面，仲好得戚咁大笑，跟住仲懶風騷，結果梗係又俾網友揶揄，呢啲咪叫做好客之道囉！
撰文：馮仁昭
|
鍾意就快D Share啦！
|
|
|