網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月25日 星期五

[忽然1周 978] 金秀賢鞠躬 50次袋 800萬 金秀賢,MW,




媽咪姐

金秀賢鞠躬 50次袋 800萬

《來自星星》的「都 min俊 C」金秀賢嚟喇!媽咪姐同各位好姊妹一樣,等呢日等到頸都長咗幾吋,食咗唔少炸雞啤酒先勉強止住啲思念咋。











不過因為南韓發生「歲月號」海難,可憐嘅「都 min俊 C」俾唔少南韓傳媒插佢喺國難當前都掛住出國賺錢。搞到佢去到邊都唔敢笑,全程 keep住個蠟像樣。金秀賢喺周三( 23日)個粉絲見面會上都忍唔住話:「雖然呢排真係好攰好忙,但可以見到大家,真係好開心!」今年先 26歲嘅金秀賢呢次嚟香港只係為美容品牌做咗傳媒同粉絲兩個見面會,現身時間總計只有…… 18分鐘!最「辛勞」嘅工作就係派 poster俾 50位金粉,加送 50次深度鞠躬。咁樣就袋咗「大拿拿」 800萬喇!

呢個唔係紙板人,真係活生生嘅「都 min俊 C」嚟㗎!佢喺 9分鐘嘅記者見面會上,就係咁樣出場。

金秀賢呢次出國出席代言活動,韓國傳媒就以「歲月號事故,金秀賢、全智賢繼續中國行,令人困惑」為題,質疑二人點解唔取消行程。加埋內地學者陶宏開喺微博話佢整容,真係無妄之災,好彩大量金粉留言撐「都 min俊 C」。

500金粉朝聖

周二( 22日)晚,金秀賢人未到,已有幾百 fans喺機場恭候,仲帶埋隻燒豬嚟送俾佢,呢啲咪出位囉!

啱啱落機嘅金秀賢,聽住佢經理人指揮,向左右兩邊 fans鞠躬,真係聽話。

無計啦,金生嘅魅力唔止引到媽咪姐呢啲 C9仔,就連美魔女羅霖、賭王四太梁安琪都俾佢吸埋嚟,平時見慣國際紅星嘅黎芷珊仲爭啲想衝入後台㖭。中星星毒,都好嚴重呀!

硬軚送 poster

平日鍾意講笑嘅金秀賢,怕再招國人指責,忍笑忍得好辛苦。不過佢好有禮貌,雙手遞上 poster, fans笑曬!

做到氣咳

連趕幾個國家宣傳,金秀賢攰到氣咳。

金秀賢話對香港印象最深嘅唔係 fans,而係美食,以後大家識做

芷珊失控

芷珊姐姐係現場三位幸運兒之一,佢抽中金秀賢簽名海報,仲想衝入後台合照㖭。

你睇佢幾急不及待放上網,幾威。

魔女名太也瘋狂

美魔女羅霖同傅明憲拉住主辦見面會嘅莎莎太子女郭詩慧,猛話想同「都 min俊 C」影合照。羅霖話:「我細仔好鍾意都敏俊,話佢由太空嚟,係英雄。今日我哋啲衫都係佢揀,阿仔好興奮呀。」

啱啱先去完韓國旅行嘅歐陽妙芝,呢日又急急腳去金秀賢見面會,仲話:「睇《星星》嗰時,全智賢怕見唔到都敏俊,我同佢一齊喊㗎!」果然中毒不淺。

平日女強人咁款嘅賭王四太梁安琪,估唔到都係金粉!不過指揮慣人嘅佢,睇嚟唔慣俾人見到做 fan屎,個樣有啲尷尬噃。



鍾意就快D Share啦!