熱爆娛樂: [忽然1周 978] 老婆帶細仔急探　肚脹喬寶寶推 job養病 MW,

2014年4月25日星期五

[忽然1周 978] 老婆帶細仔急探　肚脹喬寶寶推 job養病 MW,

18/4收腩兩吋

上周五，喬寶寶同老婆及細仔 Arvin行完超市返屋企。喬寶寶巨肚縮咗少少，一個人攞住三大袋戰利品，喬嫂嫂就拖實細仔 Arvin。

娛樂喧

老婆帶細仔急探　肚脹喬寶寶推 job養病

本刊上個月獨家直擊喬寶寶秘睇腸胃科，當時他的肚皮一個月內暴脹 4吋變 40吋巨肚，體重上升十多磅，疑似患甲狀腺病或荷爾蒙腫瘤。惟多番追問喬寶寶，他卻不肯透露病情，只認腸痛，更指不敢告知老婆。

不過，原來喬嫂嫂已收到風，並於月中帶埋細仔由英國返港探望老公。喬寶寶為陪妻兒，寧推 job乘機養病兩周。上周五（ 18日）再見喬寶寶，見其巨肚已稍稍縮細兩吋左右。問到病情，喬寶寶繼續封嘴，反而旁邊的喬嫂嫂忍唔住呻咗句：「我梗係擔心」

其他影片： >>老婆帶細仔急探　肚脹喬寶寶推 job養病 >>喬寶寶細仔鬼馬　最掛住魚旦腸粉

24/3硬脹巨腩

上月尾，喬寶寶秘密睇腸胃科醫生，之後他到公園做運動時，露出 40吋又硬又脹的巨腩。

據知，喬寶寶 40吋又硬又脹的巨肚報道出街後，他隨即收到百多個好友電話慰問，不過為免影響工作，他對於病情一直不願多提。

「喬嫂嫂都係喺朋友口中至知道老公有病，佢即刻打去追問。喬寶寶就猛同老婆講只係小病痛，叫佢唔使擔心。喬嫂嫂諗落唔對路，於是趁復活節假，同細仔返嚟探老公，順便喺周日（ 20日）離港前，同喬寶寶去迪士尼，預祝佢周三（ 23日） 45歲生日囉！」知情者透露。

妻兒突然回港，殺喬寶寶一個措手不及。為了與家人多些相處時間，他這兩星期亦罕有地推了內地登台騷，寧損失廿萬收入。

繼續避談病情

上周五（ 18日）中午，喬寶寶一家三口離開寓所，往對面的茶餐廳午膳，三個人點了兩碟粉麵，連飲品埋單唔使一百蚊。之後一家三口去超市入貨，喬嫂嫂主攻奶類及生果等食物，喬寶寶則負責日常用品。獨力負擔家人每月十萬生活費的喬寶寶，購物時「慳佬」上身，不時與老婆齊齊格價，後來更直接問職員邊隻廁紙最平最抵用，慳得一蚊得一蚊。

本刊埋身訪問喬寶寶時，他直認仍有食藥，但卻避談病情。

記：依家身體點？

寶： OK，唔使睇醫生。

記：有冇食藥休養？

寶：都 OK，無大礙，有喬嫂嫂呢個「藥劑師」喺度，冇問題。

記：剛才喺超市專買平嘢，好慳家喎！

寶：你可以咁講嘅！

記：你推咗唔少工作喎，陪屋企人定養病？

寶：家庭樂緊要，唔講錢。佢哋返嚟唔係耐，阿仔放完復活節假， 21號又要開學喇！

老婆擔心

喬嫂嫂以英語表示，喬寶寶健康好轉，不過諗到即將又要離開丈夫，佢又大嘆:「之前我同囝囝都唔喺佢身邊，佢覺得孤獨。」

喬寶寶早前從食肆及單車舖退股，套現大筆錢，為太太搞移民。他透露過想早日再做老闆，加上他要負擔一家人每月十萬生活費，壓力唔細。

喬嫂嫂：我梗係擔心

問他身邊的喬嫂嫂是否急返港探老公，她以英語表示：「佢依家身體好咗。之前我同囝囝唔喺佢身邊，佢覺得孤獨，係有唔開心。（知佢有病時，心情點？）我梗係擔心」

喬寶寶表演慾強，而其細仔 Arvin亦遺傳了他的基因，面對鏡頭毫不怕生，並大談最愛的香港美食──魚蛋及腸粉。記者問他為何不怕鏡頭，他自信地說：「 Because I'm the son of Qiu Bobo！（因為我是喬寶寶的兒子。）」

兒子精靈，又有老婆悉心照顧，難怪喬寶寶的病情漸見好轉！