熱爆娛樂: [忽然1周 978] 阿女反對翻頭嫁　李麗珍潘源良冷戰分居潘源良,李麗珍,熱門,MW,

2014年4月25日星期五

[忽然1周 978] 阿女反對翻頭嫁　李麗珍潘源良冷戰分居潘源良,李麗珍,熱門,MW,

17/4愁爆現身

48歲：與潘源良情海翻波的李麗珍，當日獨自現身銅鑼灣，行街時經常露出若有所思、神不守舍的樣子。

打頭陣

阿女反對翻頭嫁　李麗珍潘源良冷戰分居

十年前經歷 3P孽緣重創的李麗珍， 07年重遇初戀情人潘源良，愛火重燃。熱戀期間，二人在元朗八鄉共築愛巢同居，但早前李麗珍忽然升呢，搬入貝沙灣豪住；相反，潘源良則獨自搬到油麻地只得三百呎的 studio過寡佬生活。七年情翻起暗湧。

本刊連日所見，李、潘即使睇戲行街食飯，亦各自各精采，未有接觸。據知，二人未能修成正果，主因是李麗珍現年 17歲女兒許倚榕抗拒新爸爸。對於與潘源良的關係，李麗珍周一（ 21日）出席活動時斬釘截鐵說：「未諗結婚！」經歷半生感情跌宕， 48歲的她情路依然漂泊。

其他影片： >>阿女反對翻頭嫁　李麗珍潘源良冷戰分居 >>珍妹情史　多到數唔曬？ >>復合七年　 48歲李麗珍放棄潘源良

16/4獨自煲煙

55歲：潘源良身穿街坊裝，在茶餐廳出來立即煙不離手，一頭白髮的他老態盡現。

患難見真情，李麗珍和現年 55歲潘源良復合七年，原本一直無風無浪。可是，兩年前有傳潘背女友偷嗒國產長腿索女，二人更被目睹把臂同遊大嶼山天壇大佛。李當時曾表明百分百相信男友冇偷食，但實則二人感情開始變質。知情人透露：「珍妹經歷咗咁多嘢，對人對事都挑通眼眉，雖然對外話冇嘢，不過佢知 Calvin（潘源良）爛玩爛劈，所以佢都成日 check住男友行蹤。」性格火爆的李麗珍，據知已多次為「偷食」問題跟潘源良吵大鑊，不過，李麗珍尋尋覓覓總算搵到下半生依靠，每次與對方攤完牌後，又會相安無事，因此二人情侶關係一直拖拉至今。

本性難移

等足廿年，潘源良和李麗珍人到中年再續情緣，潘源良為珍妹曾經修心養性了一段時間。不用開工的日子，幾乎全天候陪伴女友，但奈何爛玩本性一直冇變，近日又故態復萌。知情人說：「佢鍾意蒲吧飲酒，早排喺大陸做嘢嗰陣，成日撩啲朋友去飲嘢，一飲就飲天光。強國又多長腿囡囡埋身，你估珍妹唔驚㗎。不過 call佢問佢喺邊，佢就次次話要同人傾合作。最近一個月， Calvin出去玩索性電話都唔開，珍妹 call極佢都唔覆機，嘈到拆天。」事後潘源良曾向女友認死狗耍冧，但據知李麗珍今次對男友箍煲不為所動，決心掟煲又掟蓋。

孤獨 shopping

李麗珍上周四（ 17日）寧願獨自 shopping買護膚品，也不相約潘源良。

女兒反叛

李麗珍 17歲女兒許倚榕（右）正值反叛期，對潘源良一直以 Uncle相稱，未能接受潘取替爸爸許願的位置。《蘋果日報》圖片

拍檔相伴

潘源良除了獨留在家中，就是相約有線足球節目拍檔劉舜文（左一）外出，但身旁永遠不見李麗珍。

寡佬生活

平日潘源良會一支公到寓所附近的茶餐廳開飯，衣服亦會拿到樓下洗衣店清洗，基本上都是一腳踢，與寡佬生活無異。

本性難移

豪住貝沙灣

李麗珍以月租三萬多租住貝沙灣一個七百多呎的海景單位，出入多以 Mini代步。

平租油麻地

上周六（ 19日），身穿白色底衫的潘源良一如以往到茶餐廳醫肚，現時他在油麻地以月租 9千一個三百多呎的 studio獨居。

女兒親許願

除了難忍男友爛玩外，令李麗珍心死的主因，是由於其女兒極力反對媽咪再婚。據知，李麗珍女兒許倚榕與生父許願關係要好，許願幾乎每天都會致電女兒聊天，倚榕難免對潘源良存有芥蒂，對於有新父親一事一直反感。

其實，李麗珍和潘源良在復合初期，曾在元朗八鄉一村屋築愛巢。可是，為了與女兒同住重過新生活，早前她向潘源良主動提出搬離愛巢，以三萬多元租住貝沙灣一個七百呎單位。知情人續說：「珍妹點會唔知 Calvin性格，要箍住男友，一定要人盯人，所以佢哋一齊住嗰陣都相安無事。不過自從珍妹個女跟番佢之後，三個人試過一齊生活，點知珍妹個女同 Calvin出現好多摩擦。加上榕榕（許倚榕）由細到大都係許願湊大，係近一、兩年先跟番阿媽住，始終阿爸親啲，所以一直當 Calvin係普通 Uncle，更加唔贊成媽咪再婚。」李麗珍在早前訪問中，亦承認女兒和潘源良相處有問題。「佢（許倚榕）依家 17歲，係少女反叛期，我唔會強迫佢，等佢長大明白再算。」

20/4谷爆首映

周日首映後，李麗珍對著同劇的江欣燕、李若彤及其他工作人員頻頻露出忟憎樣，心情跌落谷底。

從前恩愛

甜蜜時期的潘源良和珍妹出街經常行孖咇，出入例必繑實對方，表現相當恩愛。圖片

獨愛親父

女兒許倚榕與親生父親許願關係親密，所以一直對其他 Uncle表現反感。《蘋果日報》圖片

放盤斬纜

雖然面臨分手邊緣，雙方在錢銀上仍有轇轕，早年買下的加州花園仍是雙方共同擁有，但據知該單位已在放盤中。

各有各 hea

狂自隊

在飯局上，眾人仍在乾杯之際，情海翻波的李麗珍已經急不及待獨自隊酒，一飲而盡。

現正與男友處於冷戰期的李麗珍，近日忙於為剛播出的新劇宣傳。以往有男友做柴可夫，如今出入都要靠自己揸車或做伸手黨截的士。上周四（ 17日），她獨自外出，到銅鑼灣買化妝品和濕平，潘源良全程唔見影。現場所見，再度受情傷的她，沿途一直悶悶不樂，沒精打采。至於潘源良，自從搬出元朗愛巢後，一直獨居於油麻地新填地街一個三百多呎的 studio。記者連日所見，發現他除偶爾返有線講波外，平日百無聊賴，間中在街邊和友人煲煙吹水，收工後獨自回到屋企樓下的茶餐廳食飯，吃罷就回家。基本上與一個寡佬的生活沒有太大分別。

記者連日採訪，李麗珍和潘源良均沒有碰過面，即使行街食飯睇戲，雙方都寧願一個人而沒有找對方陪伴，可見二人七年情認真凍過水。

李：未諗結婚

周一（ 21日）李麗珍出席新劇飯局，比其他女角早到，一直坐在一旁自斟自飲悶酒，記者問她和潘源良現時關係，她亦不避嫌坦認：「未諗結婚！」割席態度堅定。

記：記者　　　李：李麗珍

記：你依家同潘源良嘅關係點？

李：（想了一想）差唔多……冇乜點。

記：潘源良搬咗去油麻地住喎？

李：（突然好大反應）佢不嬲住喺嗰度。

記：點解唔一齊住？

李：……不嬲唔一齊住。

記：係咪阿女同佢相處唔到？

李：佢哋冇乜機會真係……點樣去單獨相處過。

記：會唔會結婚？

李：暫時未諗（結婚）。

記：潘源良會唔會係你終身伴侶？

李：未諗呢個問題！

記：係咪因為潘生有好多女人埋身，所以唔諗住？

李：（睩大雙眼）嚇，冇留意喎！係咪真㗎？係咪好囉！

李麗珍竟然希望對方有女埋身，絕對不是一對情侶的表現。至於潘源良，周二（ 22日）離開寓所到茶餐廳期間，記者上前訪問他，對於與李麗珍各自各生活，他邊行邊重複說：「不嬲係咁，不嬲冇一齊生活！」語氣十分決絕，然後快步跑回寓所。