內地童隨街便溺 人母楊千嬅經驗談：屙曬先出街
2014-04-27 18:55:00
楊千嬅話佢識嘅內地朋友好少會咁。(攝影：仇志德)
早前旺角街頭有內地小童隨街便溺後，今日又有網民發起「留金光復」海港城行動，商務及經濟發展局局長蘇錦樑希望香港人「包容論」，問問已為人母嘅楊千嬅點睇呢件事，佢就話：「自己未睇件事，消化下先。」
再問千嬅平時帶B出街嗰陣，如果BB突然人有三急咁點算，千嬅就話：「通常之前屙曬先，而且食餐飯好少時間，好少要去洗手間。」佢又話：「我識嘅內地朋友好少會咁，可能只係個別事件，而且喺街咁樣唔係咁方便。不過應該有多啲指引方便大家。正如當日我話餵人奶，商場好少地方可以餵到，多啲指引會好啲。」
至於同場出現的梁詠琪則說：「自己唔係咁識答，觀察下先，有啲行為可能我哋唔會睇得咁慣。」
楊千嬅話應該有多啲指引方便大家。
|
鍾意就快D Share啦！
|
|
|