阿詩曬白滑長腿 自爆屋企冇投資運
2014-04-27 18:56:00
今日何韻詩爸爸任校監嘅培訓中心開幕，獲多名圈中好友撐場。（攝影：仇志德）
何韻詩爸爸有份投資嘅雅典娜國際培訓中心，今日喺尖沙嘴開幕，除咗有乖乖女阿詩撐場，佢嘅好友陳奕迅（Eason）、黃耀明、梁漢文同森美等都有到賀。
何爸爸表示佢投資咗幾百萬開設呢間培訓中心，阿詩就話：「阿爸做生意唔同我講，怕我『哦』佢嘛。我哋家族係冇投資運，阿爸以前都試過炒燶股，所以會踏實啲做人，今次佢係做校監嘅。」
另外，阿詩早前到立法會出席《2014年婚姻（修訂）條例草案》委員會舉行嘅公聽會，代表「大愛同盟」出席發言，阿詩強調佢並唔係要為同志婚姻開路，而係要為被邊緣化嘅跨性別人士發聲。阿詩又批評當局意圖將婚權收窄為要完成整項變性手術，係極唔負責任嘅做法。
梁漢文
謝雪心
阿詩今日打扮好女性化，更展示白滑長腿。
爸爸有份投資嘅學校開幕，但阿詩就爆老竇冇投資運兼曾炒燶股票，呢個囡囡真可愛。
|
鍾意就快D Share啦！
|
|
|