網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月16日 星期三

[FACE 360] 小方操肌賣底 小方,方力申,MF,




小方為咗個內褲廣告搏到盡,每一組訓練動作都做

到足,雖然辛苦,但運動員出身嘅小方意志力夠強撐到。

FBI

小方操肌賣底

早排張家輝大隻佬效應令娛圈掀起一股操肌熱,連杜汶澤同「 B餐」老公張繼聰都操肌成功,當堂「 man」曬!呢幾年密密返大陸搵人仔嘅 34歲方力申,最近為咗喺月尾拍嘅內褲廣告以超正身形亮相,急急搵攞過健美獎嘅杜德智(杜德偉大哥)做佢健身教練操肌。加埋節食,短短 3個月,小方已經成功減去 20磅,腹肌仲已經操到 6嚿。

FBI八到小方喺 1月開始節食操肌,一個星期練 3日,每次跟足杜德智悉心設計嘅特定訓練動作,每一組動作都做到足,完全冇 hea。 FBI最近去過公園睇佢哋操練,杜德智就向 FBI大讚小方:「動作又標準,認真好嘢。」小方𠵱家每日只食白烚菜同雞胸,加上跑步嚟減磅。由於餐單咁清淡,小方直言脾氣都差咗:「日日食咁嘅嘢,脾氣都差咗,有時對住阿媽都會唔耐煩。」操到咁 fit,係咪打算返香港發展?小方話:「 5月會返 TVB拍一套時裝劇。」希望小方到時仲 keep住咁 fit啦。

每次小方都拉埋好友兼教練杜德智到公園操練,操到興起,兩個乾脆衫都除埋,拍片 po上 Instagram。睇嚇小方呢身肌肉就知佢冇 hea啦。

網上圖片

由於廣告未拍,所以小方對於操練成果一直保密,要出動到杜德智埋身一㩒, FBI先見到腹肌少少形狀。

其實多年前方力申已喺攝影師 Leslie Kee操刀下影過三角泳褲相,今次操肌賣底,相信會更有驚喜。

上週四( 10日),小方同顏卓靈出席活動時,已經表示月尾拍攝內褲廣告時會大曬 6嚿腹肌。 FBI見佢拍埋包包面嘅顏卓靈度,明顯見到小方塊面尖削咗好多。



鍾意就快D Share啦!