插圖： Wendy
揞名爆
「加加」姊妹勁大牌
依家成個亞洲都吹韓風，個個睇韓劇食泡菜追韓星。一班韓國藝人當然最 happy，賺錢 so easy！
不過咁，人紅咗，好多嘢都會變。好似以前成日話韓國藝人受過嚴格嘅訓練，所以特別專業又有禮。但好似𡃁妹組合嘅「加加」咁，舞台上係跳舞跳得幾好睇嘅，可惜對住記者嗰時就勁有「個性」囉！話說有次「加加」同藝人妹妹一齊飛咗去外地做宣傳，大會 PR早就同佢哋講，安排咗十幾個訪問。好啦，咁一班記者好認真咁排住隊同兩姊妹影相問問題。點知佢哋愈嚟愈唔在狀態，塊面仲愈嚟愈黑㖭！
去到第十間傳媒，「加加」仲「犀利」到只係俾攝影師影咗兩分鐘，就拉埋妹妹一齊自行嗌停，話已經影夠喎！跟住答咗兩條問題，又嗌收工。 Well，但之前大會明明講好有半小時訪問時間，至少可以用 10分鐘影相㗎噃。不過無計，人哋依家咁鬼紅，記者除咗 O嘴，就惟有硬食
邊個係「加加」？
1.長髮長腿。
2.俾人話有公主氣質喎。
|
鍾意就快D Share啦！
|
|
|