網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年5月8日 星期四

[壹週刊 1261] 林峯請客 千語 BB女主踩場 千語,吳千語,M1,




劇集《使徒行者》舉行慶功,千語 BB以女主人身份踩場。

探熱針

林峯請客 千語 BB女主踩場

佘詩曼回歸無綫的頭炮劇集《使徒行者》終於關機,上週六(五月三日),劇中演員拉隊到西環烚嚇烚嚇搞煞科飯局,三位主角林峯、阿佘及三哥苗僑偉夾份做老細埋單。

被阿佘踢爆會到現場探班的千語 BB,當晚亦以三分一個女主人身份,蒲頭踩場。

親自清場

當晚除了三位負責俾錢找數的男女主角,劇中一班演員包括陳敏之、梁烈唯、江美儀等都有出席。

飯局開始前,林峯等先與到場採訪傳媒傾偈,其間提到女友吳千語,林峯冧住話未來只會一年拍一套劇,因為要留番更多時間陪 BB。

做完訪問,林峯為打發一直在外守候的十多名粉絲離開,親自陪住眾人落樓,再逐一傾偈簽名影合照。

傳媒和粉絲悉數離開,清場後,林峯第一時間急召 BB;過了不久,便見到著住白色低 V衫襯短裙的吳千語,坐保母車到場。

打完邊爐再轉場劈酒,離開時,劇集監製文偉鴻飲到腳步浮浮,要人扶住離開。

阿佘早前公開踢爆千語 BB帶埋 cupcake到現場探班。

唔敢飲酒

烚足四粒鐘,一行人決定再轉場到「尚膳坊」劈酒,聽見要「劈酒」,千語 BB更加唔放心,繼續跟隊做「跟得夫人」。據知,被千語 BB人盯人全面監控的林峯,全晚滴酒不沾,同其他女演員更加保持距離,超級規矩。

「聽到話要去飲,吳千語梗係唔走跟實嗰晚咁多女演員,有啲仲同阿峯傳過緋聞,點知飲咗酒會點呀!啲人笑阿峯中咗降,其實都係㗎,開工嗰陣吳千語耐不耐就蒲頭探班,喺現場個個見到佢叫『阿嫂』,俾著以前,阿峯根本唔會容許啲女喺做嘢嘅地方出現,所以呢個女仔都真係好有辦法,拑得阿峯好緊。」知情者透露。

在「尚膳坊」監場一段時間,千語 BB見男友依然保持清醒,終於安心走先。離開時因為落住毛毛雨,體貼的林峯一手擔住遮一手搭住 BB膊頭,護送女友上車後折返餐廳,一班人劈到淩晨一點半才相繼散。

林峯一手擔遮,一手攬實千語 BB,護送上車。

坐車期間,有工作人員開遮為峯 B擋鏡頭。

林峯為打發門外守候的粉絲,落樓逐一影相簽名。

當晚劇中一班演員都有出席,最後由林峯阿佘及三哥埋單請客。



鍾意就快D Share啦!