[壹週刊 1268] 應昌佑冇工開走水貨 應昌佑,M1,

探熱針

應昌佑冇工開走水貨

○五年出道的應昌佑，賣身黎明話事的 A Music十年，但因工作量甚少，搵朝唔得晚；據知長命約將滿，要養活妻兒的他決定轉行，並先在朋友的時裝水貨店做售貨員，為自己創業偷師。

兼職售貨攞經驗

每日午後一時，應昌佑便會返到位於銅鑼灣謝斐道的「 7 half floor」開鋪，執貨 sell客，一腳踢。

「 Charles（應昌佑）想搞生意，但暫時未儲夠資金，加上佢想攞啲經驗，所以去咗朋友間水貨時裝店做 sales，偷嚇師先。佢讀設計亦做過設計師，好有潮流觸覺，搞水貨衫啱曬佢，點都好過而家冇工開冇收入！」應昌佑身邊人說。

本月二十三及二十四日，下午一時便可見到應昌佑與友人在「 7 half floor」開閘開鋪，非常勤力。

因公司甚少安排工作，近乎零收入的應昌佑，在朋友店鋪做兼職賣衫，幫補家計。

滿約 A Music後，應昌佑計劃搞水貨時裝生意，最近他在朋友開設的水貨店做售貨員，一來可賺錢，二來可偷師，一舉兩得。

冇收入好耐

兒子 Travis一歲多，應昌佑為了一家三口的生活，決定放棄幕前，另謀出路。

曾在 Nike做設計師的應昌佑，是台灣七十年代紅歌手冉肖玲之子，○五年被黎明睇中，簽約 A Music十年，主攻台灣市場，但近幾年工作量少到數得出。

「老闆（ Leon）自己多嘢做，冇乜理公司，公司都散散哋！ Janice Man走咗，連仲有排先滿約嘅 JW都鬧爆，埋怨公司唔知想點，安排又唔好，話想提早解約。至於 Charles十年約亦就快完，佢唔會續約啦，簽咁耐只係幫佢出過一張唱片，而家連單曲公司都唔肯做，經理人部門又冇乜幫佢搵到 job，已經冇收入好耐。」

為養家拍床戲

一二年，應昌佑與拍拖九年圈外女友 Mandy結婚，太太去年三月誕下兒子應嘉軒（ Travis），為了生計，一直抗拒床戲的應昌佑，去年接拍《喜愛夜蒲 3》。

「 Charles份人比較內斂，拍《夜蒲 3》要剝衫拍床戲，又有激凸下體造型，公司同佢講，話拍咗會有好多內地酒吧騷做， Charles諗住賺錢養家，唔鍾意都照接，點知做完一個酒吧騷都冇！之後仲要俾佢知道，公司當時氹佢拍，其實係要換 JW可以唱電影主題曲，所以 Charles對公司已經死心。」知情者說。

留低死路一條，已經三十五歲的應昌佑，走為上著。

應昌佑平日會陪老婆及家人，本月二十二日，他們一家大小到中環大會堂飲茶，應昌佑對老婆及兒子照顧有加，非常溫馨。

應昌佑因想賺多點錢養家，在公司左氹右氹下，豁出去接拍《喜愛夜蒲 3》，他在戲內有不少床戲，挑戰了個人底線，可惜外界反應一般。

一人公司

04年，林建嶽與黎明合作成立的 A Music，旗下藝人包括楊千嬅、光良、杜汶澤、衞蘭、 Janice Man等，大部分人滿約後都選擇離開，除了黎明，公司現下仍有衞蘭、 JW、李治廷、應昌佑及王歌慧等人。據了解，因為黎老闆以「家長」式管理，手底下全部一級「精英」，導致外界聞風喪膽，結果，旗下藝人冇 job冇曝光冇收入，因為唱片公司及經理人公司安排工作量很低，令到旗下藝人叫苦連天。雞飛狗走，其中衞蘭、應昌佑及王歌慧合約即將屆滿， JW及李治廷亦想辦法，提前解約， A Music隨時成為黎明一人公司。

鍾意就快D Share啦！

下一篇 》