信兒唔願走要睇噴泉，三個大人，唯有企響後面睇實，以策安全。
同你吟一吟
蔡少芬醒目 吳佩慈腦殘
家有兩個寶貝女楚兒同信兒嘅蔡少芬，上個禮拜四（六月十九日）同埋老公張晉一家四口，加埋兩個親友同外傭，五大兩細到尖沙咀圓方家庭樂。
已經三歲嘅楚兒，個樣愈大愈似媽咪，紮住兩個髻，嗲老豆抱抱，三兩下手勢，得咗！至於一歲嘅信兒，性格男仔頭，走來走去，蔡少芬同親友要全程 mark到實。
蔡少芬經驗夠，湊女人多勢眾安全至上，但生完冇耐嘅新手吳佩慈就唔係好掂。同一日，佢帶埋同男友紀曉波所生嘅四個月大囡囡小蕊蕊行中環 ifc，因為之前俾人鬧腦殘，扮外國明星，一身 fashion打扮不顧危險單手抱女影相，所以當日吳佩慈改用外國流行嘅單肩孭帶，最弊係有研究話該款孭帶得一層布，冇承托力，初生嬰兒脊椎太軟，會令 BB身體彎曲，影響呼吸，英國甚至發生單肩孭帶導致五星期大 BB猝死意外。
八珍冇資格話吳佩慈，不過，都係寧可信其有好！
|
鍾意就快D Share啦！
|
|
|