[FACE 370] 美魔女真身 47歲吳雪雯攬仔 吳雪雯,MF,

買鞋期間，吳雪雯細仔忽然向媽咪詐嬌，吳雪雯即又摸又攬氹囝囝，場面溫馨，而雯雯姐當日孭住個 Goyard St. Louis PM bag，約萬三蚊，仲刻埋自己英文名 Jacqueline個 J字添！

FBI

美魔女真身　 47歲吳雪雯攬仔

呢排娛圈興講美魔女，話好多年過 40嘅息影女星都仲係好索。查實 FBI週不時巡街都撞到呢啲美魔女，好似上星期行經銅鑼灣，就撞到離開娛圈有十幾年嘅性感女星吳雪雯。

吳雪雯喺 01年低調同富商楊士成兒子楊耀宗結婚，婚後退出娛圈，仲生咗一女一仔。上星期一（ 16日）下晝 5點幾， FBI喺銅鑼灣發現吳雪雯帶住細仔行街，無耐，兩母子就入咗一間膠鞋店。吳雪雯好細心咁陪寶貝仔揀鞋，期間囝囝突然撲向媽咪詐嬌，吳雪雯即一副冧樣攬實囝囝，又摸囝囝個頭，鬼咁溫馨。

FBI望真啲，發現已經 47歲嘅吳雪雯雖然比起做星嗰陣肥咗，但皮膚 keep得唔錯，四肢都仲係好纖瘦，即使著住短褲都唔覺佢有橙皮紋。有圖有真相， FBI無幫吳雪雯用美圖秀秀㗎！

手腳纖瘦

吳雪雯買完鞋畀囝囝，就拖住囝囝隻手離開鞋店。留意嚇佢啲手手腳腳都仲係幾瘦㗎！

全程拖實

雖然細仔都有 10歲，但兩母子全程拖實，感情好好。

樣靚又有身材嘅吳雪雯係廣告 model出身，初出道時憑清純外表成為少男殺手， 93年佢接拍王晶出品嘅三級片《香港奇案之強姦》，仲喺片中有大膽祼露鏡頭。 01年佢同拍拖 8年嘅富商楊士成兒子楊耀宗結婚後，就專心相夫教子。

鍾意就快D Share啦！

下一篇 》