[FACE 370] 港姐遊街 陳凱琳 凱琳,港姐,陳凱琳,MF,

陳凱琳鼻高眼大，即使素顏都好易認得出。今時今日嘅藝人如果落咗妝都認得出嘅話，已經算係靚㗎喇！

FBI

港姐遊街

港姐質素每況愈下，大家有眼見。去年冠軍陳凱琳（ Grace）先終於靚番次。

零妝陳凱琳　港鐵獨行

前週五（ 13日）， FBI喺銅鑼灣行街，咁啱撞到呢位靚靚港姐。嗰日佢一袋二袋喺一幢商業大廈走出嚟，之後急急腳行去眼鏡鋪攞眼鏡。 Grace由攞眼鏡到出返嚟只係用咗 10分鐘，期間店員同 Grace近乎零交流。係因為佢嗰日無化妝所以爭啲吖？還是店員認唔到佢就係香港小姐呢？話曬都冠軍喎！最後 Grace坐佢至愛嘅港鐵離開銅鑼灣，由當選至今都一樣慳家。

入到眼鏡鋪，陳凱琳邊等邊玩電話，就咁睇個背脊當然唔知佢係港姐冠軍

攞埋眼鏡行到身水身汗， Grace突然喺袋攞樽豆漿出嚟飲，好滋陰啫。

最後，孭住兩大袋嘢嘅 Grace搭港鐵離開銅鑼灣。 Grace入到港鐵站似乎都冇乜人認得佢係港姐冠軍，幾乎冇人望。

朱千雪許亦妮　試妝冇幫襯

Sell完一輪，朱千雪開始狂試唇彩，咁又係，唔使錢當然唔好執輸

女人貪靚就梗，更何況係港姐？前週五（ 13日）， FBI喺銅鑼灣撞完陳凱琳，就撞到許亦妮同朱千雪喺銅鑼灣 SOGO揀化妝品。

初時 FBI只係認得出化咗濃妝，頭戴 cap帽嘅許亦妮，之後先𥄫到佢隔籬嗰位零妝嘅，正係佢好姊妹朱千雪。佢哋一齊揀唇彩，朱千雪試完呢隻色，又試另一隻色，當時許亦妮已經無佢咁好氣行開咗，搞咗一大輪，結果兩位港姐都係空手而回，咩都冇買。有時女人就係咁得意，走去化妝品櫃位搞嚇玩嚇，就算無買嘢，都叫過咗癮。

化妝小姐應該認得兩位港姐，落足嘴頭猛咁 sell，而朱千雪（左一)似乎真係想買，所以聽得好留心。

後來許亦妮都睇到無嘢好睇，惟有行埋一邊，邊睇邊等朱千雪！

鍾意就快D Share啦！

下一篇 》