[忽然1周 988] 艾威有「玄」好老公 艾威,MW,

艾威想飲啤酒，但就問咗太太先，見佢唔要，先至自斟自飲。最後仲嗌多兩支。

媽咪姐

艾威有「玄」好老公

自從過檔王維基嘅港視後，艾威經常不平則鳴，好鬼勇於發言。好似「公投」結束前夕，艾威就喺自己微博上載咗一張時鐘相，寫咗句：「反其道而行的，終於出現了。」有網民留言話唔明佢噏乜。其實好多嘢唔使畫公仔畫出腸嘅，講到咁白，容乜易俾人「河蟹」㗎！

不過對住太太又唔同喇！愛要說出來。啱啱幫港台拍完實況劇《獅子山下 2014》嘅佢，趁有空檔，早前就同老婆喺大圍撐枱腳。咪以為「兩個人的浪漫」一定要鋸扒食西餐飲紅酒，打冷都一樣咁有風味，淨係睇佢幫太太斟酒都夠曬 sweet

艾威同太太感情好好。維港放煙花，兩公婆仲揸架水上電單車出海睇，呢啲咪浪漫囉！

一個鐘，可以用 11個字形容。但兜咁大個圈，講到咁玄，又真係難明啲嘅。

鍾意就快D Share啦！

下一篇 》