網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年7月4日 星期五

[忽然1周 988] 李敏鎬 男神是這樣煉成的 李敏鎬,MW,




韓氣逼人

李敏鎬 男神是這樣煉成的

要做男神,唔只得個樣,人品都好重要㗎!「長腿 oppa」李敏鎬點解咁受女性歡迎?睇嚇佢周日( 29日)嚟香港出席代言活動搞嘅 fans見面會,短短半個鐘就令到場內千八 fans冧到爆,仲係咁讚佢夠靚仔又 nice。想學嘢,睇嚇佢用邊 3招𠱁女 fans

睇得

李敏鎬朝早好易面腫,但呢一日嚟到香港就瘦曬,仲瀟灑過拍廣告嗰時!佢仲𠱁fans話見到佢哋就充滿力量。

李敏鎬話曬靠個樣搵食,唔使講梗係靚仔!仲係愈嚟愈靚仔。原來佢係靠做運動 keep住靚仔樣:「平時好忙,雖然好想用心去運動,但只係做好短時間,反而咁樣,塊面唔會腫。」

冧得

見面會只係做咗半個鐘,但唔緊要㗎!最重要係「長腿 oppa」交足貨。大會除咗同佢補祝生日令佢有啲尷尬,仲抽 6位 fans上台同佢玩遊戲,俾班太太飛撲埋去搞,冇計!不過李敏鎬個樣仲好受落。咁識做,抵佢人氣咁勁

呢位 fans最蝕,只係同「長腿 oppa」影相,不過咁難得有埋身接觸,比起台下嘅 1700幾人,已經好幸運。

李敏鎬一坐低,就先篤魚蛋俾 fans試味,呢位姐姐真係賺到笑。

都係佢,唔係幫李敏鎬剔牙,係由佢餵緊 oppa食魚蛋,睇嚇佢嘴入面含住粒蛋,笑到幾開心。

冇得同李敏鎬夾爆氣球,呢位 fans都唔執輸,撲埋去攬住 oppa,呢啲機會唔抽水等幾時。

上次有黎芷珊追金秀賢。今次「長腿 oppa」呢,都有芷珊姐姐,但名模姚書軼好彩啲,抽中簽名海報,可以上台近距離望李敏鎬,同埋握手。

捱得

嚟香港之前,李敏鎬除咗拍緊電影《江南 blues》之外,由上周五( 27日)開始, 3日做咗 3個品牌見面會。 3日內坐 5次飛機走勻中港韓,仲要保持住男神招牌笑容,真係少啲精力都頂唔順。

行程:

27/6(五)中午

韓國金浦>韓國濟州>金浦

護膚品牌 Innisfree見面活動

28/6(六)上午

韓國仁川>上海浦東

內地服裝品牌 Semir見面活動

29/6(日)淩晨

上海浦東>香港

電子產品 Osim見面活動

29/6(日)晚上

香港>韓國仁川

咪以為人多就做唔到 fans service,李敏鎬去濟州嗰陣,俾班 fans逼到行唔到,但係照樣握手。

李敏鎬瞓咗兩個鐘就到上海,為保持靚仔樣,落機戴太陽眼鏡是常識。仲好 nice同 fans揮手㗎!

由仁川出發去完上海,做完見面會再嚟香港, 18個鐘之內搞掂。李敏鎬落機仲笑得出,勁!

李多海 神之腰

呢兩日咁多韓星嚟香港,要殺出重圍,淨係靠個靚樣又點得呢?《 Hotel King》女主角李多海就醒喇!來回香港兩程機都堅持露腰,回程仲送多對長腿。

周日( 29日)嚟到香港出席慈善晚宴,就著意大利星級品牌 Giuseppr Zanotti Design贊助嘅晚裝,雖然淨係騷長腿,但話曬係度身訂造,已經贏曬!女神,咪呢啲囉!

出席慈善晚宴嗰陣,李多海就端莊好多,話曬係慈善場合,咁樣夠大體。

李多海上月 29日中午到香港,已經著 tube top打底開腰裝益 fans。

出席完活動返到韓國仁川機場,李多海露腰又露腿。韓國天氣熱,咁著好正常。



鍾意就快D Share啦!