[忽然1周 990] 拖足廿年 古巨基終於找數娶 Lorraine Lorraine,古巨基,MW,

Lorraine着住嘅舊款 Comme des Garcons白裙，價值 3萬。呢個唔重要，最緊要同路牌一樣，身邊有人同佢一齊「 ONE WAY」，再行幾個 20年。

媽咪姐

拖足廿年　古巨基終於找數娶 Lorraine

古巨基都算有責任感喇！拖咗 20年，終於喺今個月 12日找數，正式俾個名份隱形女友 Lorraine（陳英雪）。媽咪姐聽到呢個喜訊，都戥「古太」開心。

其他影片：>>古巨基賭城秘婚　急返香港生「小基仔」

睇番基仔今次舉動，真係有晒鋪排。佢靜雞雞同公司請咗兩個禮拜假去拉斯維加斯註冊，兼影結婚相。之後偷偷返咗香港，透過微博公布喜訊。佢哋嘅 pre-wedding相真係好有心思， Lorraine着住 2012年日本名設計師川久保玲嘅 Comme des Garcons「 White Drama」系列白裙，雖然係舊款，但勝在同物主一樣夠襟睇，可以經得起時間考驗！

41歲嘅古巨基，宣布同拍拖 20年、今年 44歲嘅女助手 Lorraine結婚，恭喜晒！

基仔喺微博公布喜訊，得到 23萬網民按「讚」！

Lorraine做助手跟咗基仔 20年，睇番 10年前嘅相， Lorraine好怕見到鏡頭。

2011年基仔生日，老闆楊受成幫佢搞生日會，仲拉埋 Lorraine影相，成為佢哋第一次公開合照。聽聞楊生仲會包起基仔出年擺酒嘅全數酒席㖭。

今年初，古巨基帶埋 Lorraine同祖兒、師兄等人聚會。影大合照嗰陣，佢哋仲唔介意連體嬰咁坐埋一齊，原來當時已經好事近。

女家疊水

原名陳英雪嘅 Lorraine，家族早年喺太子開蘭苑饎館龜苓膠店，一碗龜苓膠閒閒哋賣 5百蚊。 98年嗰陣，女方家人仲以 6百多萬買入該舖位，家底厚。

早喺 91年，當時任職藝能動音宣傳經理嘅 Lorraine，同簽約旗下嘅古巨基邂逅，之後索性辭職，轉做男友私人助手，兼背後女人。

早幾年基仔開咗間服裝店。唔使開工，佢同 Lorraine就會拍住拖去巡舖。

Lorraine做助手跟咗基仔 20年，睇番 10年前嘅相， Lorraine好怕見到鏡頭。

鍾意就快D Share啦！

下一篇 》